Hüseyin Jélil Mesilisi Uyghur Mesilisi Shundaqla Kanadaliqlarning Mesilisi

( Yuqarqi Sürette: NDP parlamet ezasi, Kanadaning xelqaraliq sözchisi Peggy Nash xanim )

Uyghur Kanada Jemiyiti 6 - ayning 22 - küni Kanada hökümitidin Xitayda ömürlük turmige solanghan Hüseyin Jélilni qutuldurush üchün jiddi herketke ötüshni telep qilip kocha aylinip namayish qildi. Namayish chüshtin kéyin saet 3 te Torontodiki Xitay konsuli aldigha toplinip bashlandi. Xitay kounsili aldigha 50 tin köp adem toplanghan bolsimu kocha aylinish jeryanida namayishchilar qoshuni zoruyup 200 etrapigha yetti.

Namayishtin bir kün burun Calgarida turushluq CHQR Radiosi bu qétimqi namayishni uyushturghuchi, Uyghur Kanada Jemiyitining reisi Rukiye Turdush hanimni ziyaret qilip, bügünki dunya programmisida hawadin neq meyden mulahize anglitishi bergen idi. Namayish bashlinishtun burun, ettigende sheherlik téléviziye istansisi chüshtin kéyin bolidighan namayishni aldin ala xewer qildi.

Namayishchilar sépige qétilghuchilarning nurghunliri namayishni metbuat xewerliridin anglap kelgenligini bildürdi. Kanadadiki herqaysi kommunitining tor betlirige we mesjidlerge bu qétimqi namayish élanliri chaplanghanliqtin, Turk, Ereb, Pakistan qatarliq milletlerdinmu bu qétimqi namayishqa xéli köp adem qatnashti.

Namayish jeryanida Toronto universitidin kelgen oqughuchilar kochilarda aktipliq bilen Hüseyin Jélil üchün imza toplashqa yardemleshti.

Namayishqa Hüseyin Jélilning ayali üch kichik balisini egeshtürüp qatnashti we özining Hüseyin Jélilning qoyup bérilishige qet’i ishinidighanlighini chünki uning gunahsiz ikenligini bildürdi.

Uyghur Kanada jemiyitining reisi Rukiye Turdush Hanim söz qilip hazirqi Kanada hökümitining burunqi hökümetlerge qarighanda köp küch chiqarghan bolsimu, teximu jiddi herketke ötüshke éhtiyajliq ikenligini, chünki Hüseyin Jélilning texiche türmide ikenligini, uning türmige tashlinishining peqet uning Sherqiy Türkistandin ibaret néfit köp chiqidighan, emma Xitaygha mustemlike bolup qalghan mushundaq bir teleysiz memlikette tughulup qalghanlighidin we bügünki künde Xitay teripidin yer yüzidin yoq qiliwétilishke yüzliniwatqan Uyghurdin ibaret musulman millettin bolup qalghanlighi tüpeylidin boliqatqanlighini bildürdi. U yene Amerika ve Yavropa döletlirining Hüseyin Jélil toghrisida qanun maqullighianlighining bu döletlerning Uygurlarning meniwi anisi Rabiye Hanimning tohtimay tirishchanliq körsitishi netijiside, Uyghur dewasini yahshi tonush pursitige ige bolghanlighini, Kanada hökümitining bolsa Uyghur insan heqlirige köngül bölishining yeterlik bolmighanlighini. Hetta özining grajdani Hüseyin Jélil mesilisidimu Ottawaning yumsahq positsiye tutiwatqanlighini buning Xitayni téximu heddidin ashuriwetidighanlighini otturigha qoydi.

Bu qétimqi namayishta, teklipke binaen NDP parlamet ezasi, Kanadaning xelqaraliq sözchisi Peggy Nash xanim we xelqara kechürüm teshkilatining Torontoda turushluq wekili Wilf Rulandlar alahide söz qildi.

Peggy Nash sözqilip özining Husyin Jélil mesilisige burundin nahayiti köngul bölüp kelgenligini bundin kéyinmu bu mesilide qattiq küch chiqiridighanlighini bildürdi. U yene namayishqa Uyghurlaning köp qatnashmighanlighini, buning Xitay hökümitidin qorqushtin boliwatqanlighini körüp yetkenligini, Kanada hökümitining Kanada grajdanlirini qoghdaydighanlighini buning üchün grajdanlarningmu aldi bilen ochuq ashkara otturigha chiqip mana mushundaq namayish we bashqa paaliyetler arqiliq öz mesilisini anglitishi öz özini qoghdishining muhimlighini otturigha qoydi.

Wilf Ruland soz qilip, Kanada hökümitining Hüseyin Jélil mesiliside nahayiti köp tirishchanliq körsitiwatqanlighini , Xelqara kechürüm teshkilatining, Kanada hökümet emeldarlirini Olympikta Hüseyin Jélil mesilisini otturigha qoyushqa chaqiriwatqanlighini, lékin xelqara kechürüm teshkilatning Olympikqa hergizmu bayqut qilmaydighanlighini bildürdi.

Kananada UyghurJemiyitining reisi Rukiye Turdush xanim buqétimqi namayishqa qatnashqan Uyghurlaning nahayiti az ikenligini, adette namayishqa dawamliq qatnishidighan Uyghurlarningmu buqétimqi namayishqa qatnashmighanlighidin tolimu epsuslanghanlighini bildürüp mundaq didi:
“Hüseyin Jélil mesilisi hergizmu peqet yalghuz Hüseyin Jélil mesilisi emes,u pütün Uyghur mesilisi shundaqla her bir Kandaliqning mesilisi”
Uyghur Kanada jemiyiti namayishchilar qoshuni hökümet binasi aldigha yétip kelgende, Toronto sheherlik hökümetning Xitaygha ikki qétim soda wekilliri ewetip yéqinda Xitayda ishhana achqanlighini tenqid qildi ve qattiq naraziliq bildürdi.

Hazirgha qeder Kanada Uyghur jemiyiti Hüseyin Jélil üchün 2000 din artuq imza toplidi. Kanada Uyghur jemiyiti yene yazliq paaliyetlerni janlandurup “ Uyghur qizlirini Xitaygha yötkesh” mesilisi we bashqa Uyghur mesililliridimu imza toplashqa teyyarliq qiliwatqanlighini bildürdi.