|
Dunya Uyghur Qurultiyining Reyisi Rabiya Qadér Xanim Gérmaniyede
Sherqiy Türkistan milliy herkitining Lédiri, Uyghur xelqining meniwiy anisi,
Dunya Uyghur Qurultiyining reyisi Rabiye Qader xanim Sherqiy Türkistan
Birliki Teshkilati oyushturghan Sherqiy Türkistan birliki teshkilatining bir
yilliq omumiy yighini, Gérmaniye médiyesige bérilidighan axbarat élan qilish
yighini, „Sherqiy Türkistandiki insan heqliri depsendichiliki we Xitaydiki
Olimpiyat“ dégen témidiki konferens we Gérmaniyede qurulidighan „Rabiye Ana
Mektiwi“ning qurulush murasimi qatarliqlargha qatnishish üchün 2008 - yili 6
- ayning 21 - küni Gérmaniye waqti saet 12:00 de Amérikining New York
sheheridin Gérmaniyening Frankfurt sheherige uchup keldi.
Dunya Uyghur Qurultiyi we Sherqiy Türkistan Birliki Teshkilatining ayrim
ezaliri Frankfurt Ayripilan istansisigha chiqip Milliy rehbirimiz, meniwiy
animiz Rabiye Qadir xanimni qizghin kütiwaldi.
Milliy rehbirimiz Rabiye Qader xanim Gérmaniyege kélishtin awal uning
Gérmaniye sepiri heqqide dunyagha dangliq Gérman tilida chiqidighan
„Frankfurter Rundshau“, „Gros-Gerau Echo“, „Freitags Anzeige“ Géziti, we
Türkche neshir qilinidighan „Türkiye“, „Zaman“ Géziti we „Dewir“, „ Xewer“
we „Aktif“ qatarliq gézit jornallarda keng türde xewerler élan qilinghanidi.
Gérmaniyening Mörfelden-Walldorf sheherining muawén sheher bashliqi Franz
Rudolf Urhahn ependi, Uyghurlarning sadiq dosti, pidagok Dieter Osmers
ependi we xanimi, Mörfelden-Walldorf Türk teshkilatining reyisi Fatih ependi
we xanimi , Ruselisheim Türk teshkilatining reyisi Samiy ependi, Offenbach
Türk teshkilatining reyisi Eli Kuyruq ependi we „Uyghur wetinige seper“
namliq German we Türk tilida neshir qilinghan ikki kitapning aptori Muhemmet
Aydemir ependi qatarliq bir türküm dangliq shexisler Rabiye Qader xanimni
kütiwélish chéyigha qatnashti.
Mörfelden-Walldorf Sheherining muawén sheher bashliqi Franz Rudolf Urhahn
ependi Sheher bashliqi Heinz Peter Becker ependining Rabiye Qader xanimgha
yollighan qizghin salimini yetküzdi.
Sherqiy Türkistan Birliki Teshkilati uyushturghan Rabiye Qader xanimni
kütüwélish chéyigha Teshkilati ezaliridin bashqa yene Dunya Uyghur
Qurultayning muawén reyisi Esqerjan ependi, Qurultayning bash katiwi Dolqun
Isa ependi, Qurultayning Fundi reyisi Ablimit Tursun ependi we Sherqiy
Türkistan Birliki teshkilatining reyisi Korash Atahan ependi qatarliqlarmu
qatnashti.
Sherqiy Türkistan Birliki Teshwiqat Merkizi.
|
