Xitay Hakimiyiti Sherqiy Türkistandiki Altun Ishlepchiqirishini Jiddileshtürmekte

< Tian shan tori > ning 6 – ayning 20 – küni xewer qilishiche, bu yil 5 – ayda Sherqiy Türkistanda ishlepchiqirilghan altunning miqdari bir tonnidin éship, tarixtin buyanqi eng yuquri sewiye yaritilghan.

Bu xewerde körsütülishiche, Sherqiy Türkistan nöwette Xitayning eng asasliq altun ishlepchiqirish bazisi bolup, 2007 – yili ishlepchiqirilghan altun miqdari 7.1 tonnigha yetken, bu yilliq ishlepchiqirish miqdarining ötken yildikidinmu yuquri bolidighanliqi mölcherlenmekte. Peqetla bu yilning aldinqi 5 éyida ishlepchiqirilghan altun miqdari, ötken yilning oxshash mezgilidikidin 32.8 pirsent yuquri.

Altun kanliri Sherqiy Türkistanning hemmila rayonlirigha tarqalghan bolup, peqetla Chöchek, Altay, Ili, Qomul, Turpan, Sanji qatarliq rayonlardiki altun ishlepchiqirish nuxtiliri, pütün Sherqiy Türkistandiki altun ishlepchiqirish rayonining 90 pirsentidin köpirekini teshkil qilidu.

Xitay hökümiti aldimizdiki < 11 – besh yilliq pilan > mezgilide, Sherqiy Türkistandiki Altun ishlepchiqirish miqdarini hessilep ashurush üchün 500 milyon yuan meblegh sélip, besh yil ichide 100 tonna altun ishlepchiqirishni pilanlighan.

http://www.tianshannet.com/news/content/2008-06/20/content_2650087.htm