|
Olimpik Mesh’ili Bügün Kech Sherqiy Türkistangha Yétip Kélidu
Xitay hökümitining tuyuqsiz qarari bilen, 2008 – yilliq Bei jing olimpik
mesh’ili eslidiki pilandin 10 kün burun Sherqiy Türkistangha élip
kélinmekchi.
Ilgiri Xitay hökümiti olimpik mesh’ilining 6 – ayning 26 – küni awal Sherqiy
Türkistanning Qeshqer shehrige élip kélinidighanliqini, 27 – 28 – künliri
ayrim – ayrim halda Ürümqi, Sanji we Xihenze sheherliride
aylandurilidighanliqini elan qilghan idi.
< Tian shan tori > ning xewer qilishiche, tünögün, yeni 6 – ayning 15 – küni
< aptonom rayonluq olimpik mesh’ilini kütiwélish teshkili komuteti >
ürümqide axbarat elan qilish yighini chaqirip, mesh’elning 6 – ayning 16 –
küni kechte Xitayning Chung Qing shehridin ayrupilan bilen Ürümqige yötkep
kélinidighanliqini we 17 – künidin etibaren bu rayonda 3 kün mesh’el
aylandurush pa’aliyiti élip baridighanliqini élan qilghan.
Gerche olimpik mesh’ilining kélidighan waqtida özgürüsh bolghan bolsimu,
emma aylanduridighan sheherlerde özgürüsh bolmighan, yenila Ürümqi, Qeshqer,
Sanji we Xihenze sheherliridin ibaret.
Yuqarqi xewerde körsütülishiche, Sherqiy Türkistandin mesh’elni aylandurush
üchün 624 neper kishi tallap chiqilghan bolup, bularning ichide < pelek
shahi > dep nam alghan dawaz Adil Hoshur we dangliq Uyghur boksur Abdushükür
Mijit qatarliqlar bar, mesh’elni aylandurush herikiti üchün hetta
Germanlarnimu teklip qilip élip kelgen.
< Dunya Uyghur Qurultiyi > we < Sherqiy Türkistan Informatsiyon Merkizi > …
qatarliq köpligen Uyghur teshkilatliri bayanat elan qilip, Uyghur xelqining
olimpik mesh’ilining Sherqiy Türkistangha élip kirilishige qarshi ikenlikini
bildürgen web u heqtiki naraziliqlirini ipade qilghan idi.
|
