Hökümiti Buyil Sherqiy Türkistandin Ikki Milyon Tonnidin Artuq Ashliq Sétiwalmaqchi

Xitay hakimiyiti uzun yillardin buyan Sherqiy Türkistandiki Bing tuanlik Xitay dehqanlirini paxta, yaghliqdan … qatarliq iqtisadi zira’etlerni térip téz sürette bay bolushqa teshwiq qilsa, yerlik déhqanlarni bolsa merkizi hökümet teripidin chüshürüp bérilgen ashliq ishlepchiqirish wezipisini orundashqa mejburlap kelmekte.

Melum menidin éytqanda uyghur déhqanlirining bazar éhtiyajigha qarap erkin ishlepchiqirish bilen shughullunush hoqoqi yoq, emma Bing tuan'ge 80 – yillarning otturliridin bashlapla erkin ishlepchiqirish bilen shughullunush hoqoqi bérilgen, Bing tuanliq Xitaylar bazarda nime bekrek pul bolsa shuni ishlepchiqirip satidu, mana buxil adaletsiz siyaset Sherqiy Türkistanda Xitay köchmenliri bilen yerlikler otturisidiki iqtisadi periqning shiddet bilen éship kétishige sewepchi boluwatqan asasliq amildur.

Mesilen, Xitayning resmiy istatiskisida hazir Sherqiy Türkistanning Xitay istatiskisidiki noposi 20 milyondin artuq bolup, bunung ichide Bing tuan'ning noposi 3 milyon etrapida, qalghan nopos yerlikke tewe, emma nöwette Sherqiy Türkistandiki paxta térilghu yer kölümining yérimini digüdek Bing tuan teshkil qilidu.

Qisqisi, Xitayni ashliq bilen teminlesh wezipisi yerliklerning gedinige yüklengen.

< Tian shan tori > ning 6 – ayning 10 – küni xewer qilishiche, Xitay merkizi hökümitidin buyil Sherqiy Türkistandiki ashliq tarmaqlirigha ikki milyon 50 ming tonna ashliq yighiwélish wezipisi tapshurulghan bolup, bunung ikki milyon tonnisi Bughday, 50 ming tonnisi gürüch.

Buyil hökümet tarmaqliri dehqanlarning qolidiki bughdayning kilosini 1.54 yuandin sétiwélishni qarar qilghan bolup, herqaysi wilayet we nahiye derijilik ashliq idarilirigha yuqarqi wezipini toluq orunlash heqqide jiddi buyruq chüshürülgen.

Peqetla Aqsu wilayitige chüshürülgen ashliq sétiwélish wezipisi 157 ming tonna.