< UYGUR.TV > Üchün Iqtisadi Kampaniye Bashlandi

< Sherqiy Türkistan Informatsiyon Merkizi > ning reyisi Abdujélil Qaraqash ependi, qurulghan qisqighine waqit ichide Uyghur xelqining eng yeqin ayrilmas dostigha aylanghan we xelqimizning kündin – künge yuquri bahasigha ériship kéliwatqan < uygur,tv > ni yenimu tereqqi qildurush we kespiy sewiyesini yuquri kötürüsh meqsidide, bügündin étibaren chetellerde yashawatqan Uyghurlar arisida < uygur.tv > üchün yardem kampaniyesi bashlighanliqini elan qildi.

Abdujélil Qaraqash ependi mushu hepte ichide Yawropadiki bezi ellerge seper qilip, Uyghur qerindashlirimiz arisida iqtisadi yardem toplash kampaniyesini qanat yaydurmaqchi.

< uygur.tv > bolsa nöwette chetellerde internet arqiliq purogramma tarqitiwatqan birdin – bir uyghurche téléwiziye qanili bolup, bu qanal, < Sherqiy Türkistan informatsiyon merkizi > ning reyisi Abdujelil Qaraqash ependi teripidin 2004 – yili qurulghan we sinaq teriqiside purogramma berip kelgen idi.

2006 – yili 9 – aydin etibaren < uygur.tv > muntizim halda purogramma tarqitishqa bashlidi we tunji  resmiy purogrammisi 9 – ayning 6 – küni Uyghurlarning meniwiy anisi we milliy rehbirimiz Rabiye Qadir xanim bilen ötküzülgen söhbet bilen bashlanghan idi. Shundin buyan < uygur.tv > ning Uyghurche we Türkche qanilida 200 ge yeqin mexsus purogramma tarqitildi.

< uygur.tv > qurulghandin buyan < Sherqiy Türkistan informatsiyon merkizi > chetellerdiki barliq uyghur teshkilatliri we uyghur siyasi paaliyetchiliri bilen oxshash musapini saqlap, xelqimizning milliy musteqilliq arzusi we ghayisini özining siyasi yetekchi idiyesi qilghan halda teshwiqat elip barghachqa, < uygur.tv > qisqa waqit ichide xelqimizning qizghin alqishigha we yaqturup körüshige sazawer boldi.

Hazirgha qeder < ugur.tv > ning purogrammilirini biwaste yaki < youtu be > leniyesi arqiliq körgüchilerning sani birqanche milyon kishige yetip, zor siyasi we ijtimayi ünümge erishti. < uygur.tv > ni qollap – quwetligüchilerning sani kündin – künge köpüyüp, uni kespiy jehettin yenimu tereqqi qildurush heqqide uyghur qerindashlirimizdin köpligen arzu – istekler kelmekte. Shunga < Sherqiy Türkistan informatsiyon merkizi > xelqimizning yuqarqi arzu – isteklirini emelge ashurush we < uygur.tv > ni yenimu saghlam halda tereqqi qildurush meqsidide, mushu aydin etibaren Dunya miqyasida iqtisadi yardem kampaniyesi elip berishni qarar qilghan idi. 

Abdujelil Qaraqash ependi bu heqte toxtulup, < merkizimiz teripidin tesis qilinghan Uygur teliwiziyesi, hemmimizning ortaq teliwiziye qanili, biz hazirgha qeder pütünley özimizning intayin cheklik bolghan iqtisadi imkaniyitimizge tayinip uni bashqurup kelduq, yene shundaqla hazirgha qeder chetellerdiki Uyghur qerindashlirimizdin we teshkilatlirimizdin héchqandaq bir iqtisadi telepte bolup baqmiduq, emma bizning iqtisadi küchimizmu intayin cheklik, pütün imkanlirimizni seperwer qilip bügünki künge kelduq, emma < uygur.tv > ning tereqqiyati üchün qerindashlirimizning iqtisadi jehettiki yardimige jiddi ehtiyajimiz bar, düshminimiz Xitayni küldürmeslik üchün hemme qiyinchiliqlirimizni bazargha sélip olturushimizning hajiti yoq, chetellerdiki Uyghur qerindashlirimizning bizni qollap – quwetleydighanliqigha bolghan ishenchim kamil > dep körsetti.

Abdujélil Qaraqash ependi yene aldimizdiki mezgillerde < uygur.tv > ning purogrammilirini muntizimlashturup, her küni muqim purogramma béridighan muntizim téléwiziye qaniligha aylanduridighanliqini eksertip ötti.

*****************************************

Herqaysi döletlerdin yardem bergüchüler üchün banka hésab numurimiz:

Isim : Abudujilili
IBAN: DE79760100850501998858
BIC   : PBNKDEFF
Bank: Postbank Nürnberg

Germanye ichidin yardem bergüchüler üchün banka hésab numurimiz:

Isim  :  Abudujilili
Bank :  Postbank Nürnberg
Konto:  501 99 88 58
BLZ    :  760 100 85

Alaqilishish adrisi:

ETIC , Goethe-Str. 3/V
80336 München
GERMANY
Mobil: 0049/ 176 24 89 40 54
Internet: www.uygur.org
E-Mail:karakash_a@hotmail.com