Uyghurlar Gollandiye Döletlik Téléviziye Qanilida

2008 - yili 4 - ayning 12 - küni Gollandiyening neq meydandin pütün Yawropagha tarqitilidighan döletlik 1- qanilida, 2008 - yili Xitayda ötküzülidighan "Olimpik " heqqide söhpet ötküzüldi. Bu söhpetke Gollandiye parlament ezasi Joël Voordewind ependi , Olimpik qa qatnishidighan Gollandiye tenheriketchiliri , Tibet wekili we Uyghur qizi Almira Murat qatarliq méhmanlar alahide teklip bilen qatnashti .

< Gollandiye Uyghur Jemiyiti > ning orunlashturishi bilen Gollandiyede yashawatqan 10 neper Uyghurmu bu söhpettin orun aldi. Barliq Uyghurlar milliyche kiyinip, ay-yultuzluq kök bayraqni meydisige taqap, söhbetke alahide tus qoshti we pütün méhmanlarning deqqitini tartti.

Söhbetke alahide teklip bilen qatnashqan méhmanlar özlirining 2008-yili Xitayda ötküzilidighan Olimpik qa bolghan ötkür köz qarashlirini otturugha qoydi. Shu qatarda Almira Murat sözge teklip qilinip, Uyghurlarning nöwettiki weziyitini anglatti we Xitayning Olimpik ötküzüshke qilche munasip kelmeydighanliqini bildürdi.

Bu Gollandiyede tunji qétim Uyghurlarning telévizorda tonushturulishi bolup, pütün Gollandiyede Uyghurlargha bolghan chong bir qiziqish dolquni shekillendürdi .

Bu qétimqi pa'aliyet Gollandiyede Uyghur dewasining yene bir baldaq yuquri kötürülishige asas saldi .

Gollandiye Uyghur Jemiyiti