Xitaylar Bilen Xitay Kommunist Hökümitining Perqi Nime?

Xitayning Olympic mesh’ilini dunyani aylandurush arqiliq Xitayni pütün dunya xelqi aldida sherepke érishtürüsh chüshi, Olympic mesh’ilining London, Parislarda namayishchilar teripidin ochuriwétilishi we Sanfransiscoda élip mengilishqa amalsiz qélinip, oghurluqche kishilerge körsitilmey élip méngilishi bilen weyran qilindi. Nöwette Hindistandimu Olympic mesh’ili Tibetlik namayishchilarning qattiq tosqunlighigha uchridi. Lékin minglighan Xitay peres wetenperwer Xitaylar Canada'da we bashqa democratic ellerde, kochigha chiqip namayish qilip özlirining tajawuzchi hökümitining Tibet we Sherqiy Türkistandiki ornini qollap namayish qildi. Ular ejaba Xitayning nime üchün dunyaning hörmitige érishelmeywatqanlighini, pütün dunyada bunche qarshiliqqa uchrap kétiwatqanlighini bilmemdu? Ular buning del özlirining ashu rezil hökümeti tüpeylidin ikenligini hés qilishmamdu? Tibet dahisi Dalai Lama alliqachan özlirining peqet aptonomiyedin bashqa nerse telep qilmaydighanlighini Xitay xelqi bilen héchqandaq öchmenligi yoqlighini 50 yildin béri dep kéliwatidu. Sherqiy Türkistan Uyghurlirimu peqet erkinlik we heqiqet üchün, öz wetinini qayturup élish üchün küresh qiliwatidu, ular héchqachan Xitay puqralirini bikardin bikar yoqitishni meqset qilghini yoq. Nahayiti éniqki Xitay xelqi buni nahayiti obdan chüshinidu, dunyaning peqet ashu mustemlikichi Xitay kommunist hökümitige qarshi ikenliginimu obdan bilidu, shundaqtimu ularning qénigha singen milletchilik ularni eqil we insanliq we méhribanliq bilen oylashqa yol qoymidi. Netijide ular democratic elliride qilchimu xijil bolmastin kochigha chiqip rezil communist hökümitini qollap namayish qiliwatidu. Ular bilishi kérekki bu arqiliq ular özlirining abroyini téximu chüshürüp, Xitay bilen Xitay communist hökümitining perqini yoq qiliwetti we kishilerni barghanséri pütün Xitaylar milletchi we Xitay démek milletchi tajawuzchi communist dimek digen anggha keltürüp qoydi. “ dunyaning öchmenligidin qutulimen dise, Xitaylar özliri bilen tajawuzchi hökümetini perqlendürishi kérek” deydu ETIC presdenti Abdujélil Karakash.
Eger dunya Sherqiy Türkistan we Tibet uchrawatqan zulumgha perwa qilmastin Xitay hökümetini héchqandaq tenqid qilmighan bolsa, u halda ehwal qandaq bolishi mumkin idi? “Éniqki, Xitay xelqi özlirining tajawuzchi hökümetidin pehrlinip hemmisila zulumning destekligüchillirige aylan'ghan we bu yawuz hökümet bilen téximu chongqur muhebbetleship dunyagha bolghan tehdidni qorqunuchluq derijide kücheytken bolatti” deydu gherptiki Uyghur ziyaliliri.