Hu Jin Tao, < Dalay Gurohi Bilen Bolghan Zidiyitimiz, Wetenning Birliki Bilen, Wetenni Bölüsh Mesilisidin Ibaret > Dep Körsetti

< Xin hua axbarat tori > ning xewer qilishiche, Xitayning döwlet reyisi Hu jin tao, 4 – ayning 12 – küni Awustiraliyening bash ministiri bilen körüshkende, < Tibet mesilisi tamamen Xitayning ichki ishi, bizning Dalay gurohi bilen bolghan zidiyitimiz hergizmu milliy mesile, diniy mesile yaki kishilik hoqoq mesilisi bolmastin, belki wetenning birlikini qoghdash bilen, wetenni bölüsh mesilisidin ibaret > dep körsetken.

Hu jin tao yene, Dalay Lama bilen söhbet ötküzüsh ishiklirining ochuq ikenlikini, ikki terep otturisidiki muzakirilerge putlikashangliq qiliwatqan terepning bolsa Tibet terep ikenlikini, eger Dalay Lama Xitayni bölüsh we olimpik yighinigha buzghunchiliq qilish niyitidin waz kechkende, unung bilen muzakire élip baridighanliqini eskertip ötken.

Gerche Dalay Lama bundin xéli burunla özlirining meqsidining Xitaydin bölünüp chiqish emeslikini pütün dunyagha jakalighan bolsimu, emma Xitay terep herxil bahane – seweplerni we siyasi töhmetlerni toqup chiqip, Dalay Lama bilen söhbet ötküzüshni ret qilip kelmekte.