Xitay Jama’et Xewipsizlik Ministirliki Bayanat Élan Qilip, 45 Neper Atalmish < Uyghur Terorist > ning Qolgha Élinghanliqini Élan Qildi

4 – ayning 10 – küni Xitay jama’et xewipsizlik ministirlikining bayanatchisi Wu He Ping axbarat élan qilish yighinida qilghan sözide, 2008 – yili 1 – ayning 4 – künidin, 11 – künigiche Ürümqide Haji Memet bashchiliqidiki 10 neper < terorist > ning qolgha elinghanliqini, yene shundaqla 3 – ayning 26 – künidin, 4 – ayning 6 – künigiche bolghan ariliqta Abdurahman Tursun, Qurban Mutellip qatarliq 35 neper < terorist > ning qolghan elinghanliqini bayan qildi.

Wu He Pingning bildürishiche, yuqarqilar bilen birge yene köp miqdarda oq – dora, partilatquch buyum qolgha chüshürülgenmish.

Xitay hökümiti yuqurida qolgha elinghan Uyghurlarni, < Sherqiy Türkistan islami herikitining ezaliri bolup, Bei jing olimpik yighinigha buzghunchiliq qilishni pilanlighan > dep eyipligen, shundaqla ular üstidin héch bir asasi bolmighan atalmish < delil – ispatlar > ni toqup chiqqan.