Olympic Mesh'ili Parista Besh Qétim Öchürüldi

Olympic mesh'ilining kishilik hoquqni depsende qiliwatqan Xitaydek bir dölet teripidin élip méngilishi Türkiyede Uyghur namayishchillirining qattiq tosqunlighigha uchrighan idi. Buninghga ulinipla London ve Parisdin mesh’el élip ötülgende, Tibet ve Sudan mesiliside Xitayni eyipliguchi namayishchilar topi teripidin qattiq tosqunluqqa uchridi, Parisda namayishchilar topi saqchilar bilen toqunushup mesh'elni besh qétim öchüriwetti. Minglighan namayishchilar topi Paris kochillirini étiwelip shoar tolap, su chéchip mesh'elni yandurup kötürüp méngishqa zadila imkaniyet bermigenliktin, axiri Xitay tenherketchilliri meshelni autobus bilen élip méngishqa mejbur boldi. Olympic mesh'ilini, bu gün yeni charshenbe Sanfransisco da Tibetliklerning yene bir qétimliq naraziliq namayishi kütüp turmaqta. Olympic meshili Kazakstandin ötkende, gerche Kazakstanda, Xitay zulmigha uchrawatqan Sherqiy Türkistanliq Uyghurlar we ular bilen qandash milletler yashaydighan bolsimu emma, Kazakstanda Xitay bésimi intayin éghir bolghanliqtin, Olympic mesh'ili jimjitla ötüp ketken idi.

Uyghurlar peqet mesh'el Turkiyege yétip kelgendila andin öz narazilighini körsitelidi. Sanfransisco, Uyghurlar üchün, insaniyet ténchlighining smivoli bolghan mesh'elni Xitaydek tajavuzchi döletning qolidin yulup élishtiki eng ahirqi purset bolup, bu gün Uyghurlarning Tibetlikler bilen birlikte nahayiti qattiq qarshiliq körsitidighanlighi texmin qilinmaqta.

Olympic Mesh'ili Etrapidiki Kök Kiyimlik Xitaylar Kimler ?

Xitay metbuatlirigha asaslanghanda, Olympic mesh'ilini chöridep mangidighan kök kiyimlik Xitaylar, Xitay armiyisidin mehsus terbiylep tallanghan bolup, igiz, kélishken bolishi chélishish gumpisi bilishi, derhal hujumgha oteleydighan bolishi, küchlük bolishi alahide chéniqturulghan bolishi kérak digendek bir munche shertler bilen tallanghan iken, ular englishcche bilmeydighan bolup, ularning Xiitay armiyiside yétildürgen qopal harachteri, mashina ademdek herket qilishi, muxbirlargha hujum qilishi bille manghan tenherketchilerni seskendürüpla qalmay, Xitay armiyisi Uyghur we Tibetlerni basturiwatqan mushundaq bir künde Olympic meshilinimu ularning qoghdap mengishi dunya jamaetchiligining ghezibini qozghimaqta. Emma Xitay terep, ular eskerler ichidin tallanghini bilen normal wezipisini ada qiliwatidu dep turivalghan.