Xitay Merkizi Hökümitining < Qosh Tilliq Oqutush > ni Tekshürüsh Ömigi Sherqiy Türkistanda

Uyghurlarni atsimilatsiye qilishqa aldirap ketken Xitay merkizi hökümiti, Sherqiy Türkistan qorchaq hökümitini atalmish < qosh tilliq oqutush > qedimini tézlitishke aldiritishqa bashlidi.

< Xinjiang xelq radio istansisi > ning 4 – ayning 1 – künidiki xewiride körsütülishiche, Xitay merkizi tereqqiyat komuteti, Maliye ministirliki, ma’arip ministirlikining mesulliridin terkip tapqan bir tekshürüsh ömiki 3 – ayning 31 – küni Ürümqige yétip kélip, Sherqiy Türkistanda ijra qiliniwatqan atalmish < qosh tilliq oqutush > heqqide tekshürüsh élip bérishqa bashlighan.

< Aptonom rayon > ning mesulliri bu tekshürüsh ömikige bergen doklatida, Sherqiy Türkistandiki her derijilik partiye – hökümet organlirining nöwette < qosh tilliq oqutush > xizmitige yüksek derijide ehmiyet bériwatqanliqini, 2010 – yilidin burun pütün Sherqiy Türkistandiki 852 yeza – bazarning hemmiside mexsus < qosh tilliq xizmetni bashqurush orgini > qurup chiqidighanliqini, yezilardiki ösmürlening 85 pirsentini Xitayche yeslilerge qobul qilish pilanini emelge ashuridighanliqini bildürgen.