|
Ruqiye Turdush Xanim < Kanada Uyghur Jemiyiti > ning Reyisi Bolup Saylandi
< Kanada Uyghur Jemiyiti > ning 3 – ayning 30 – künidiki omomiy saylimida,
iqtidarliq we munewwer yashlirimizdin Ruqiye Turdush xanim bu teshkilatning
reyisi bolup saylandi.
Kanada Uyghurlirining 2008 – yilliq saylam komutéti teripidin uyushturulghan
bu qétimqi saylam nahayiti demokratik we adil bir usolda elip berildi,
Kanadadiki Uyghur jama’iti teripidin ortaq halda körsütülgen reyis namzati
Ruqiye xanim, saylamgha qatnashqan Uyghurlarning mutleq köp qismining
awazigha erishti.
Ruqiye xanimning reyis bolup saylanghanliqi, Kanadadiki Uyghurlarnila emes,
hetta bashqa ellerdiki Uyghur qerindashlirimiznimu söyündürdi.
Saylamdin buyan köpligen Uyghur teshkilatliri we siyasi pa’aliyetchilirimiz
arqa – arqidin tebrikname elan qilip, Ruqiye xanimgha bolghan qollishini
ipade qilip kelmekte.
< Dunya Uyghur Qurultiyi > ning mu’awin reyisi we < Kanada Uyghur jemiyiti >
ning sabiq reyisi Memet Tohti ependimu bu heqte élan qilghan tebriknamisida,
< Aldi bilen, 2008-yilli Uyghur Kanada jemiyiti Saylam Komititining
pidakarliq bilen elip barghan bu hizmitige apirin eytish bilen, yengi
reisimiz Hormetlik Ruqiye Hanimni qizghin tebrikleymen we Kanada'diki barliq
Uyghurlarni yengi reisimizning etrapigha zich uyushup, Kanada'diki Uyghur
dawasining tereqqiyati uchun aktip awaz qoshushqa chaqirimen > dep körsetti.
Memet Tohti ependin tebriknamisida yene, < milli dawayimiz halqiliq bir
basquchqa kirgen bundaq sharayitta hich bir qimmiti bolmighan ushshaq talash
tartishlarni bir yangha tashlap, millitimizning eng aliy menpeetini aldinqi
orunda qoyush Kanada'diki ishlirimizning ongushluq bolishi uchun her bir
Uyghur bash tartip bolalmaydighan mohim wezipe. Men Ruqiye Hanimni toluq
kuchum bilen qollaydighanliqimni, hizmetlirige, orunlashturishigha aktip
awaz qoshudighanliqimni, Kanada'diki milli dawayimizning ongushluq
rawajlinishi uchun qolumdin kilidighan barliq yardemni korsitidighanliqimni
bu meydan arqiliq jamaetke bildurup qoymaqchimen > dep bayan qildi.
Ruqiye Turdush xanim cheteldiki iqtidarliq, wetensöyer, pidakar
ayallirimizning biri bolup, ilgiri u Germaniyediki < Sherqiy Türkistan
Informatsiyon Merkizi > ning tereqqiyati üchün köp hesse qoshqan, Milliy
rehbirimiz Rabiye xanimning yenidimu bir mezgil katipliq wezipisini ötep,
siyasi we deplomatiye jehette özini yétildürgen idi.
< Sherqiy Türkistan Informatsiyon Merkizi > ning reyisi Abdujelil Qaraqash
we mu’awin reyisi Perhat Yorungqashlarmu mexsus tebrikname yollap, Ruqiye
xanimning rehberlikidiki < Kanada Uyghur jemiyiti > ning barliq xizmetlirini
pütün küchi bilen qollap – quwetleydighanliqini we ular bilen yéqin
hemkarliq munasiwiti ornitidighanliqini bildürdi.
|
