Abdujelil Qaraqash, < Olimpik Mesh’ilining Sherqiy Türkistangha Kélıshini Uyghur Xelqimu Xalimaydu ! > Dep Körsetti

Köpchilikke melum bolghinidek, chetellerdiki Tibet teshkilatliri, Xitay hakimiyitining bu qétim Tibette élıp barghan qanliq qirghinchiliqigha naraziliq bildürüsh meqsidide Xelqara olimpik komutetigha ( IOC ) murajetname yollap, Tibet xelqining Olimpik mesh’ilining Tibettin ötüshini xalimaydighanliqini elan qilghan idi.

< Sherqiy Türkistan Informatsiyon Merkizi > ning reyisi Abdujélıl Qaraqash ependi bu munasiwet bilen qilghan sözide, < Xitay hakimiyiti olimpik mesh’ilini Sherqiy Türkistanning Ürümqi, Xihenze, Sanji we Qeshqer qatarliq 4 shehridin ötküzidighanliqini elan qildi, Uyghur xelqimu xuddi Tibet qerindashlirimizgha oxshashla olimpik mesh’ilining Sherqiy Türkistan ziminigha berishini xalimaydu > dep körsetti.

Abdujélıl Qaraqash ependi bu heqte izahat bérip, < nöwette Xitay hakimiyiti Sherqiy Türkistanda Uyghurlarning milliy heriketlirini basturush, diniy étiqadini we milliy alahidiliklirini yoqutush, Xitaylashturush we tebiy bayliqlirini talan – taraj qilish siyasitini tarixta misli körülmigen derijide rehimsizlerche ijra qilmaqta, Sherqiy Türkistandiki Xitay türmiliri özlirining insani heq – hoqoqlirini telep qilghan bigunah Uyghurlar bilen tolup tashti, bundaq bir sharayitta, dunya ténichliqining simowuli hisaplanghan olimpik mesh’ilining bügün Uyghurlarning qanliq köz yashliri bilen tolghan Sherqiy türkistangha élıp bérilishi, mahiyette olimpik rohigha qilinghan eng zor haqarettin ibaret ! > dep bayan qildi.