|
Sherqiy Türkistan Xitay Aqqunlirining Hujumigha Uchrimaqta
Xitay hakimiyitining, < térilghu yer az, emgek küchi köp, sheherlerde
ishsizliq éghir > digendek bahane – sewepler bilen 100 milighan Uyghur
qizlirini mejburi halda Xitayning ichki ölkiliride qulluqqa yollawatqan
bügünki künde, Sherqiy türkistanning sheher – bazar we yéza – qishlaqliri
ichki ölkilerdin jan beqish üchün kelgen Xitay aqqunliri bilen tolup –
tashmaqta.
Nöwette Xitayning ichki ölkiliridiki karxanilarda künige 10 nechche saetlep
éghir jismani emgek qiliwatqan bichare Uyghur qizlirining otturiche ayliq
kirimi 300 – 400 yuan etrapida bolup, bunung üchün ayda dem almay saq 30 kün
ishlishi lazim.
Emma, ichki ölkilerdin Sherqiy türkistangha kelgen Xitay aqqunlirigha
poyezdin chüshüp bolghiche yuquri maashliq xizmet teyyar.
Mesilen, < Tian shan tori > ning 3 – ayning 13 – künidiki xewiride
körsütülishiche, Ürümqi qatarliq chong sheherlerde mexsus ichki ölkilerdin
kelgen Xitay aqqunlargha xizmet tepip béridighan emgek mulazimiti
shirketliri qurulghan bolup, bu shirketler poyezdin chüshken Xitay
aqqunlirigha yataq we tamighi bikarliq xizmet orunlirini teqmu – teq qilip
turidu.
Si Chuan ölkisidin ish izdep Ürümqige kelgen 19 yashliq Xiao Hai isimlik
Xitay aqquni < tian shan tori > ning muxpirigha : < men kélip ikki kün
ichidila köpligen orunlar méni ishqa almaqchi boldi, özem bir orunni
tallidim, ayliq maashim 1000 yuan, yataq we tamighim bikarliq > dep jawap
bergen.
|
