Turpan Poyez Istansisidin Her Küni Jenopqa Kétiwatqan Xitay Aqqunlirining Sani 7 Mingdin Ashidu

Nöwette Xitay hakimiyiti atalmish < ayrupilan weqesi > ni bahane qilip, zor teshwiqat arqiliq kishilerning diqqet – étibarini bashqa bashqa nuxtigha burashqa tirishsa, ichki jehettin Sherqiy Türkistangha Xitay köchmenlirini yötkeshni jiddileshtürmekte. Xitayning asasi nishani bolsa Uyghurlar zich olturaqlashqan jenobi rayonlardiki Xitay köchmenlirining sanini köpeytishtin ibaret.

Mesilen, < Tian shan tori > ning 3 – ayning 11 – künidiki xewiride körsütülishiche, buyil 3 – ay kirgendin buyan, Xitayning herqaysi ölkiliridin Sherqiy Türkistangha ishligili kéliwatqan Xitay aqqunlirining yuquri dolquni qozghalghan bolup, peqetla Turpan poyez istansisigha her küni kéliwatqan aqqunlarning sani 12 ming kishigha yetken we bulardin 7 ming nepiri Turpan arqiliq Sherqiy Türkistanning jenobidiki Aqsu, Qeshqer qatarliq rayonlirigha yürüp kétidiken.