Xitay Metbuatliri Atalmish < Ayrupilan Weqesi > Heqqide Keng Kölemde Tetür Teshwiqat Bashlidi

( Yuqarqirida : ayrupilan weqesi heqqide < Tianshan tori > da yer alghan süret )

Nöwette pütün Xitay metbuatliri, 3 – ayning 7 – küni yüzbergen atalmish < ayrupilan weqesi > ni bahane qilip, Uyghurlarning milliy herikitini qarilash üchün keng kölemde tetür teshwiqat élip berishqa bashlidi. Bu heqtiki xewerler Sherqiy Türkistandiki asasliq teshwiqat wastilirining hemmiside yer alghan bolup, tigh uchi Uyghurlargha qaritilghan we Uyghurlarning hemmisila < gumanliq kishiler > katigoriyesige kirgüzülgen.
Xitay metbuatlirida, bundin kéyin aydururumlarning bixeterlik tedbirlirining zor derijide kücheytilidighanliqi bayan qilinmaqta.

Chetellerdiki bezi Uyghur siyasi küzetküchilerning qarishiche, Xitay hökümiti Uyghurlarning Dunya jamaetchiliki aldidiki obrazini xunükleshtürüsh, ularning erkin sayahet qilishini cheklesh, shundaqla milliy heriketlerni yenimu qattiq basturush üchün bu siyasi tozaqni qurup chiqqan bolup, bundin keyin Xitay hakimiyiti bu hadisini bahane qilip Sherqiy Türkistan rayonida Uyghurlargha qaratqan rehimsizlerche basturush heriketlirini yenimu kücheytishi mumkin.

Chünki Sherqiy Türkistan Xitay üchün olimpik yighinidin nechche hesse mohim bolup, pütün Xitayning enirgiye menbesige aylanghan Sherqiy Türkistanning bixeterliki Xitay üchün hayati ehmiyetke ige.