Xitayning Nishani, Sherqiy Türkistanning Yilliq Néfit Ishlepchiqirish Miqdarini 100 Milyon Tonnigha Yetküzüsh

Sherqiy Türkistanning tebiy bayliqlirini talan – taraj qilish qedimini yenimu tézlitish mesilisi, nöwette Bei Jingda chaqiriliwatqan < Memliketlik 11 – nöwetlik xelq wekiller qurultiyi > ning eng asasliq küntertiplirining biri bolup, Xitay merkizi hökümiti aldimizdiki yillarda Sherqiy Türkistanning néfit we tebiygaz ishlepchiqirishini hessilep ashurushni pilanlimaqta.

< Tian shan tori > ning xewer qilishiche, < aptonom rayonluq partikom > ning sekritari Wang Le Quan 3 – ayning 9 – küni Bei Jingda muxpirlarni kütiwelish yighinida qilghan sözide, nöwette Sherqiy Türkistanning néfit we tebiygaz ishlepchiqirishta Xitay boyiche birinchi orunda turiwatqanliqini, 2010 – yili yilliq Nefit ishlepchiqirish miqdarini 60 milyon tonnidin ashurushni, 2020 – yiligha barghanda 100 milyon tonnigha yetküzüshni pilanlighanliqini bayan qilghan.

Wang Le Quan yene, Sherqiy Türkistanning néfit zapas miqdari pütün Xitayning néfit zapas miqdarining 30 pirsentini, tebiygaz bolsa 34 pirsentini, kömür 40 pirsentini teshkil qilidighanliqini, mush 3 körsetküchning öziningla Sherqiy Türkistanning Xitay üchün neqeder hayati qimmetke ige ikenlikini ispatlaydighanliqini bildürgen.