Hu Jin Tao, Sherqiy Türkistanliq Qorchaq Emeldarlardin, < Milliy Bölgünchilikke Qarshi Küresh > ke Yüksek Derijide Ehmiyet Bérishni Telep Qildi

Xitay kommunistik partiyesining bash sekritari, döwlet reyisi we Xitay merkizi herbiy ishlar komutétining reyisi Hu Jin Tao 3 – ayning 8 – küni chüshtin burun Bei Jingda < Memliketlik xelq wekiller qurultiyi > gha qatnishiwatqan < Xinjiang wekiller ömigi > ning ezalirini qobul qilip körüshkende qilghan sözide, Sherqiy Türkistanliq qorchaq emeldarlardin, muqimliq xizmitini birinchi wezipisi qilip, < milliy bölgünchi > lerge qarshi küreshke yüksek derijide ehmiyet bérip, < 3 xil küchler > ning buzghunchiliq heriketlirining qattiq aldini elip, < wetenning birliki > ni qoghdashni telep qilghan.

Sherqiy Türkistanning istiratigiyelik ornining intayin mohimliqini tekitligen Hu Jin Tao, < chong gherbi shimalni échish > qedimini tézlitishni, < qosh tilliq oqutush > siyasitini kücheytishni, < milletler itipaqliqi > terbiyesini chongqur qanat yaydurushni telep qilghan.

Xitayning döwlet reyisi Hu Jin Taoning yuqarqi sözliri, bundin keyin Sherqiy Türkistanda Uyghurlarning milliy maaripini Xitaylashturush qedimining yenimu tezlishidighanliqini, Uyghurlarning milliy heriketlirige qaritilghan qattiq basturush herikitining teximu keng dayiride qanaq yaydurulidighanliqini, Sherqiy Türkistanning tebiy bayliqlirining teximu jiddi halda talan – tarajgha uchraydighanliqini ispatlap turmaqta.