Bayrimingizlargha Mubarek Bolsun !

<Men, < Sherqiy Türkistan Informatsiyon Merkizi > diki barliq xadimlargha wakaliten, < 8 – mart > Dunya ayallar bayrimi munasiwiti bilen weten ichi we sirtidiki Sherqiy Türkistanliq barliq xanim – qizlirimizning bayrimini yürektin qutluqlaymen we ulargha janabi allahtin bexit – saadet tileymen !

Erkin dunya elliridiki xanim – qizlar, zor tentene we xoshalliq tuyghusi ichide özlirining bayrimini tebriklewatqan bügünki künde, Sherqiy Türkistanliq xanim – qizlarimiz Xitay mustemlikichilirining chekidin ashqan zulmi astida xorlunup yashashqa mejbur boluwatidu, Xitayning ichki ölkilirige mejburi élip ketilgen 100 minglighan bichare Uyghur qizliri xuddi ottura esirdiki qul – dideklerdek gheyri insani muamilige we depsendichilikke uchrawatidu, yene shundaqla Xitay hakimiyitining atalmish < pilanliq tughut > siyasiti tüpeylidin, minglighan, 10 minglighan, 100 minglighan anilarning hayati éghir xewip we tehditke duch kéliwatidu …
Mana bularni köz aldimizgha keltürginimizge, yügügimiz cheksiz azaplinip, Shanliq Uyghur xanim – qizlirini bu echinishliq teqdirge duchar qilghan Xitay mustemlikichilirige bolghan nepritimiz hessilep ashidu.

Emma uyghur aniliri, uzaq tariximizdin buyan, özining baturluqi, qeyserligi, chiwerliki, ishchanliqi, mehnetkeshliki we zulumgha tez pükmes iradisi bilen tillarda dastan bolup kelmekte. Iparxan, 7 qizlirim, rizwalgül we shulargha oxshighan minglighan batur qizlirimiz bunung janliq örnikidin ibaret, shöbhisizki, Xanim qizlirimizning bu alijanap xisliti we küreshchan rohi ebediyen dawam qilidu we Uyghur xanim qizlirimu janabi allahning himmiti bilen haman bir küni erkin dunya elliridiki xanim qizlardek özlirining bayrimini musteqil we hör döwlitining ziminida tebriklesh pursitige erishidu !
Axirida, xanim – qizlirimizning bayrimini qayta – qayta mubarekleymen !

Sizlerge bexit tilep :

Abdujélil Qaraqash

< Sherqiy Türkistan Informatsiyon Merkizi > ning reyisi
< uygur.tv > ning sahibi we qurghuchisi