Xitay Hakimiyiti Sherqiy Türkistangha Qaratqan < Qosh Tilliq Oqutush > Siyasitini Teximu Kücheytidu

Nöwette Bei Jingda < Memliketlik xelq wekiller qurultiyi > gha qatnishiwatqan < aptonom rayonluq partikom > ning sekritari Wang Le Quan, < Xinjiangning uzun muddet muqimliqi üchün, choqum aldimizdiki 20 – 30 yil ichide qosh tilliq oqutushni yuquri sewiyege yetküzishimiz lazim > dep körsetken.

Wang Le Quan, Xitay kommunistik partiyesi merkizi komuteti siyasi birosining dayimi ezasi bolghini üchün, unung sözi Xitay kompartiyesige wekillik qilidu.

Wang Le Quan yene, < Döwlitimizning yardimi bilen aldimizda bu qurulishimizgha 3 milyart yuan meblegh selinidu > dep körsetken.
Qorchaq reyis Nur Behrimu bu yighinda qilghan sözide, aldimizdiki 3 yildin, 5 yilghiche bolghan mezgil ichide Sherqiy Türkistanda yerlik ösmürlerning < qosh tilliq yesli > dep atalghan Xitayche yeslilerge kirish nisbitini 85 pirsentke yetküzidighanliqini tekitligen.