Nur Behrining < Qosh Tilliq Oqutush > Heqqidiki Bimene Izahati

< Xitay yengi axbarat agentliqi > ning 3 – ayning 4 – küni Bei jingdin bergen xewiride körsütülishiche, shu küni atalmish < aptonom rayon > ning yengi qorchaq reyisi Nur Behri muxpirlargha qilghan sözide, Xitay hakimiyitining Uyghurlarni Xitaylashturush meqsidide élip bériwatqan < qosh tilliq oqutush > siyasiti heqqide izahat bérip, < til we yéziq bolsa bir xil mediniyetning ipadisi, Zhung hua xelq jumhuriyitining bir gerejdani bolghan kishi eger öz döwlitining ana tilini bilmise, u chaghda döwlitidin uzaqliship ketidu > dep körsetken.

Nur Behri yene, chetellerdiki < 3 xil küchler > ning, Xitay hökümitini, < Sherqiy Türkistandiki az sanliq milletlerni Xitay tilini ögünüshke mejburlawatidu > dep eyiplep kéliwatqanliqi heqqide toxtulup, < az sanliq milletlerning til – yéziqi bilen Xenzu til – yéziqi oxshashla mohim, milliy bölgünchiler bizni meqsetlik halda qarilawatidu, mening ulardin shuni sorighum kélidu, ularmu chetelde chetel tili we yéziqini ögüniwatidu, buni ular qandaq chüshendüridu ? > dep biljirlighan.

Emiliyette bolsa Xitay hakimiyitining Sherqiy Türkistanda yüzgüziwatqan atalmish < qosh tilliq > siyasitining mahiyitining Uyghurlarni atsimilatsiye qilip yoqutushtin ibaret ikenliki pütün duya jamaetchilikige besh qoldek bilinip kelmekte.