Ichki Ölkilerdiki Uyghur Oqughuchilarning Ata – Aniliri Siyasi Tekshürüshtin Ötküzülidu

< Tian shan tori > ning 3 – ayning 3 – künidiki xewiride körsütülishiche, Uyghur ösmürlirini Xitaylashturush meqsidide Xitayning ichki ölkiliride tesis qilinghan atalmish < Xinjiang toluq ottura sinipi > gha buyil 5000 neper oqughuchi qobul qilinidiken.

Qobul qilinidighan oqughuchilargha qoyulidighan asasliq shertlerning biri bolsa, ularning biwaste yéqin tuqqanliri choqum hökümetning siyasi jehettiki tekshürüshidin ötüshi lazimken.

Xitay hakimiyitining asasi nishani, kelgüside özining milliy we diniy alahidiliklirini yoqatqan, pütünley Xitay mediniyitini qobul qilghan bir türküm ismi < Uyghur >, emma wujudi we rohi – dunyasi tamamen Xitaylashqan bir türküm < azsanliq millet kadirliri > ni terbiyilep chiqish we bular arqiliq Sherqiy Türkistanni idare qilish bolghini üchün, oqughuchi tallashta ayilisi we uruq – tuqqanliri ichidin < milliy bölgünchi > chiqip baqmighan ösmürlerni tallashqa ehmiyet bérip kelmekte.