Sherqiy Türkistandiki Xitayhce Yeslilerde Oquwatqan Yerlik Ösmürlerning Sani 930 Minggha Yetti

( Yuqarqi sürette: Qeshqerge yéngi iwetilgen 105 neper Xitayche oqutquchi )

<< Ürümqi kechlik geziti > ning 2 – ayning 28 – künidiki xewiride körsütülishiche, 2007 – yiligha qeder, Sherqiy Türkistanda mektepke kirish aldida turghan yerlik ösmürlerge qarita tesis qilinghan atalmish < qosh tilliq yesli > lerning sani 2982 ge, unungda oquwatqan ösmürlerning sani bolsa 930 ming neperge yetken. Bu Xitayche yeslilerdiki oqutquchi we ishchi – xizmetchilerning sani 1835 neper bolup, Xitay hökümiti Jenobi rayonlardiki nahiye,yéza we charwichiliq meydanlirida Xitay tili oqutquchisi yétishmeslik mesilisini hel qilish üchün jiddi tedbir qollunushqa bashlighan.

Birqanche kün burun Ürümqidin 105 neper Xitay tili oqutquchisi Qeshqer wilayitige yolgha sélinghan.

Kéyinki yillardin buyan Xitay hakimiyitining Sherqiy Türkistanda Uyghurlarning milliy maaripini Xitaylashturush meqsidide élip beriwatqan atsimilatsiye siyasiti weten ichi we sirtidiki Uyghurlarning shiddetlik naraziliqini qozghapla qalmastin, xelqaraliq kishilik hoqoq teshkilatliriningmu küchlük diqqet – étibarini qozghap kelmekte.

Bu heqte Amerika Parlamentida birqanche qétim mexsus guwaliq yighini chaqirilip, Xitay hakimiyitining bu qilmishi qattiq eyiplengen idi