Mohitning Bulghunishida Ürümqi Shehri Xitay Boyiche Aldinqi Qatarda Turidu

< Tianshan tori > ning xewer qilishiche, 1 – ayning 30 – küni Ürümqi shehrining hawasining bulghunush derijisi pütün Xitaydiki nuxtuluq sheherler ichide birinchi orungha ötken bolup, bulghunush körsetküchi 500 ge berip yetken.

Adette bulghunush körsetküchining eng yuquri chéki 500 bolup, hawaning bulghunishigha asasen kömür isi sewepchi bolghan.

Munasiwetlik tarmaqlar, bunung insanlarning salametliki üchün jiddi tehdit elip kelidighanliqini, bolupmu nepes yalluqi késilige giripdar bolghuchilarning köpüyidighanliqini eskertip, < bundaq nachar hawada kishiler etigende hawa alimen dep talagha chiqip beden chéniqturmasliqi, talagha chiqqanda maska taqiwelishi, yashanghan kishiler, balilar we kesel kishiler tala – tüzge aziraq chiqishi lazim > dep agahlandurghan.

Ürümqide olturaq rayonlar bilen sana’et rayonliri bir – birige gireliship ketken bolup, her bir mehellide digüdek asmangha taqashqan zawut turxunlirini uchrutush mumkin, bu, xelqaraliq mohit asrash qayidilirige tamamen xilap bolup, köpligen ellerde sana’et rayonliri sheherlerdin yiraq bolghan chet jaylargha orunlashturulghan