Xewer - Uchurlar

1 ) Norvigiye Hökümiti Insanperwerlikte Xitayni Toghra Yolgha Bashlash Üchün Tirishmaqta

Sürette: Norvigiye tashqi ishlar ministeri Jonas Gahr Stoere, Xitay tashqi sihlar misnisteri Yang Jie Chi bilen

Mushu ayning 29 - küni Norvigiye tashqi ishlar ministeri Jonas Gahr Stoere, Xitay tashqi sihlar misnisteri Yang Jie Chi bilen körüshüp, ikki döletning muhit maarip, soda jehtlerdiki hemkarlighini kücheytish toghrisida pikir almashturdi. Norvigiye hökümitining Xitayning bir pütünligini étirap qilidighanlighi parchilinishini qollimaydighanlighi Xitay hökümitining teshekkurige erishti. Emma Norvigiye tashqi ishlar hökümitining soda munasiwetliridinmu bek, hawa kilimatining özgurushi, muhit asrash, dunya tereqqiyatining tengpunglighini saqlashtek global mesililerde Xitay hökümiti bilen dostluq ornitip tesir körsitishni xalaydighanlighini eniq bildurishi, Norvigiye hökümitining öz döliti we millitining menpeetdin halqip insaniyet dunyasining menpeetige köngül boliwatqan mediniyetlik milletler hökümiti ikenligini, we bu döletning, insaniyet dunyasining menpeetidin ibaret alijanapliqtin yiraqta qalghan eksinche zerer yetkuziwatqan Xitaydek bir chong döletke öz tesirini körsitip mediniyetlik milletler qatarigha yeteklimekchi bolghanlighini bilduridu.

2 ) Xitay Hökümiti Birleshken Döletler Teshkilati Bixeterlik Yighinigha Özgertish Kirgüzüshke Bolghan Köz Qarishini Özgertmeydighanlighini Bildürdi

Xinhua agentlighining bugünki xewirige qarighanda Xitay hökümiti, birleshken döletler teshkilati biheterlik yighinigha özgertish élip berishta meydanining özgermeydighalighini yeni biheterlik yighinigha tereqqiqiliwatqan döletlerdin bolupmu Afriqa döletlirige wekillik berishni telep qilidighanlighini bildurdi.

Birleshken döletler teshkilatining bixeterlik yighinida Amerika, Xitay, Russsiye, Engiliye Fransiyedin ibaret bsh dölettin terkip tapqan bolup, bixeterlik yighinigha özgertish kirgüzüsh xizmiti döletler arisidiki muhakime arqiliq alliqachan bashlinip bolghan idi. Xitay hökümiti, özgertish kirgüzüsh xizmetliri alliqachanbashlinip bolghan ehwal astida, nahayiti ustiliq bilen bu qétimqi özgertish qayil qilarliq sewepler bilen élip berilsila qollaydighanlighini bildürdi. Emma yenila öz menpeetini közligen halda, özi alliqachan keynige séliwalghan dost döletlerni yeni Afriqini namzatliqqa körsetti. Yaponiye, we yaki Türkiyege oxshash tereqqiqiliwatqan democratic döletlerni éghizgha élishtin özini qachurdi.

3 ) Binladinning Oghli Dadisidin Partilitish Herketlrini Tohtutushni Telep Qildi

Helqara metbuatlargha qarighanda, Al-qaida bashlighi Osama Binladinning oghli Ömer dushenbe küni misir télévizye istansisigha interwiew berip dadisidin bomba partilitishtek terorluq herketlirini toxtutushni telep qilip mundaq didi: xelq ammisini olturush Islam dinigha xilap,u democratiyegimu insanchiliqqimu toghra kelmeydu.

U yene dadisidin, qoral we bombini qan töküshtek héchkimge payda élip kelelmeydighan yolni tashlap, bashqa yollar arqiliq küresh qilishni telep qildi.

U anisi bilen ténchliqni terghip qilish üchün Afriqa qitesini atliq aylinishni plan qiliwétiptu.

4 ) Xitay Hökümiti Olympic Harpisida Sherqiy Türkistanda Weqe Chiqishidin Qattiq Endishe Qilmaqta

Olympic jeryanida Sherqiy Türkistan bilen Tibetke journalistlarning kirishini cheklep metbuat erkinligi berishni qet’i ret qilghan Xitay hökümiti, Sherqiy Türkistandiki mustebit hokumranlighi tupeylidin Olympikning aldi keynide naraziliq weqeliri chiqishidin qattiq ensirimekte.

Atalmish Shinjiang téléviziye istansisining mushu ayning 30 - küni xewer berishiche, Atalmish Shinjiang Uyghur aptonom rayonluq partikomning heyet ezasi , siyasi qanun commitétining shujisi Zhu Hei Lun 29- yanwar Sherqiy Türkistanda échilghan Xitay amanliqni qoghdighuchi qisimlirining 1- nowetlik 5- yighinida “ üch xil küchler” ge zerbe berishni alahide tekitligen. Xitayning “üch xil küchler” dep atiwalghan, emiliyette bolsa Uyghur heq hoquqlirini, Sherqiy Türkistan musteqillighini telep qilghuchilarni körsitidighan Uyghurlarni basturushqa qaratqan, Xitay amanliqni qoghdash qisimlirigha bultur mehsus 40 million yuan din artuq meblegh ajritilghan bolup, Xitay hökümitining bu yil yene qanchilik meblegh salidighanlighi eniq emes. Emma, Olympic qa yéqinlashqanseri tehimu köp meblegh ajritidighanlighi eniq. Sherqiy Türkistandiki Uyghur xelqi alliqachan put qoli boghuwétilgen Uyghur xelqining birer weqe qozghishining mumkin emesligini, emma shundaqtimu Xitay qoralliq qisimlirining özige xizmet yaritish üchün gunahsiz xelqqe dölet terorlighi yurgüzüp, bingunah uyghurlarni tutqun qilish imkaniyitining barlighini bildurmekte. chünki Xitay amaliqni qoghdighuchi qisimliri bu xil zorawanliqqa adetlengen bolup, bundin burunmu mushundaq ehwallar köp qétim tekrarlanghan iken.