Jenobi Rayonlarda Tuluqsiz Otturini Püttürgen Yashlarning Mutleq Köp Qismining Toluq Otturida Oqush Imkaniyiti Yoq

Gerche Xitay hakimiyiti uzun yillardin buyan Sherqiy Türkistanda 9 yilliq mejburi maaripni yolgha qoyghan bolsimu, emma Jenobi rayonlarda milliche mektep yétishmeslik mesilisi éghir bolghachqa,toluqsiz ottura siniplarni püttürgen Uyghur yashliri dawamliq türde toluq otturida oqush imkaniyitidin mehrüm qalmaqta.Hazir Jenoptiki Qeshqer, Atush, Hoten qatarliq 3 wilayettiki milliy mekteplerde toluqsizni püttürgen oqughuchilarning 70 pirsentidin köpirekining toluq otturida oqush imkaniyiti yoq.

< Tianshan tori > ning 1 – ayning 29 – künidiki xewiride körsütülishiche, Xitay hakimiyiti 2012 – yiligha barghanda Jenoptiki 3 wilayettiki milliy mekteplerning toluqsiz otturidin toluq otturigha chiqish nisbitini 50 pirsenge yetküzüshni pilanlighan we bu reqem, < aptonom rayonluq maarip nazariti partikomi > ning sékritari Zhao dejungning Ürümqide chaqirilghan maarip yighinida qilghan sözidin neqil qilip élinghan.

.