Xitay Hökümétining Namrat Uyghurlarni Yoqlap Köngül Bölishi Nimidin Dérek Béridu?

Sherqiy Türkistandiki Uyghur xelqi bilen köchmen Xitaylar otturisidki ghayet zor ihtisadi perq, yeni bu zéminning igisi bolghan Uyghurlarning Xitaylargha nisbeten nechche hesse namratliqta qaldurilishi, xelqara jemiyetning diqqitini qozghighan mesililerdin biri.

Olympic jeryanida bu xil zor perqning yuzini tokishidin ensirigen Xitay höküméti, namratliqning Uyghurlarning narazilighi we kötürilishini peyda qilishidin ensirep, namrat Uyghur ahalillirining könglini utush üchün namratlarni yoqlash paaliyiti élip bérip, buni keng kölemde metbuatlarda “namrat Uyghurlarning bay bolushigha yardem qilish” dep teshwiq qilmaqta. Mesilen, Xitay hökümet emeldarliri mushu ayning 25- kunidin bashlap Xoten sheherlik Qaraqash nahiyisidin 25 ailini her bir ailige bir qur iane qilinghan kiyim, bir halta un we bir botulka may bilen yoqlighan.

Bu xil köngül bölüsh Uyghurlarni namratliqtin qutulduralamdu? Uyghur déhqanliri buning peqet ach qalghan balining yighisini soska bilen bezligendekla bir ish ikenligini inkas qilmaqta.

Uning üstige, bundaq köngül bölüshke érishken aililer asaslighi Communist partiye ezlairi, we ige chaqisiz qérilar bolup ular Xitay höküméti teripidin melum derijidiki nahayiti az qimmettiki qutquzush buyumlirigha érishken. Emma, Xitay hökümitining meqsidi hergizmu Uyghur xelqining uzul kesil namratliqtin qutulishigha yardem bérish bolmastin belki Uyghurlarni mengguXitay communistlirining aghzigha qarap yashaydighan qilish. Chunki Xitay hökümi Uyghur déhqanlirini namratlashturiwatqan baj séliqni yenimu eghirlashturiwetmekte. Mesilen Xoten kundilik gezitining mushu ayning 25- künidiki hewirige asaslanghanda qaraqash nahiyisidiki déhqanlardin yerdin élinidighan baj nahayitimu eghir bolup, birinchi ayning 17 – kunidin bahslap, 3million 500 ming yuan baj yighishni pilanlighan hemde buning 116.67% ni ashurup orunlap ay ahirida 4million yuan baj yighishni pilanlighan. Otken yili bu nahiyidin yighilghan baj 2milllion 690 ming yuan bolup , mushu boyiche bolghanda bu yil 205.34% ashurup arunlap tarihi rekort yaratqan bolidiken. Uyghur déhqanliri, baj séliqni yenggilletmey we Uyghur déhqanlirining erkin déhqanchiliq qilishigha yol echilmay turup namratliqtin qutulushning mumkin emesligini bildurmekte..