|
Zhou Yungkang, Sherqiy Türkistandiki Partiye –
Hökümet Tarmaqliridin Asasi Xizmet Nishanini Uyghurlarning Milliy
Heriketlirini Basturushqa Qaritishni Telep Qildii
Buyil kirgendin buyan Xitay merkizi hökümitining yuquri derijilik
emeldarliri arqa – arqidin elan qilghan bayanatlirida, Sherqiy Türkistandiki
atalmish < 3 xil küchler > ge qattiq zerbe bérishni tekitlep kelmekte, bu,
melum menidin alghanda buyil Sherqiy Türkistanning siyasi weziyitining
teximu jiddilishidighanliqidin, shundaqla Uyghurlarning milliy heriketlirige
we naraziliqlirigha qaritilghan basturush herikitining yenimu
küchüyidighanliqidin direk béridu.
< Xin hua axbarat tori > ning xewer qilishiche, Xitay merkizi komuteti
siyasi birosining dayimi ezasi, Xitay merkizi siyasi – qanun komutetining
mudiri Zhou yungkang, 1 – ayning 24 – künidin, 27 – künigiche Sherqiy
Türkistanda ziyarette bolghan.
Zhou yungkang, ziyaret jeryanida qilghan sözide, Sherqiy Türkistandiki her
derijilik partiye – hökümet organlirini, asasi xizmet nishanini
Uyghurlarning weten ichi we sirtida élip bériwatqan milliy heriketlirini
qattiq basturushqa qaritishni telep qilghan.
Zhou yungkang, Sherqiy Türkistandiki Xitay eskerlirini, chegra eghizlirini
we her derijilik qanun tarmaqlirini ziyaret qilghanda qilghan sözide, <
Xinjiangning muqimliq xizmitige yüksek derijide ehmiyet bérip, chegra ichi
we sirtidiki 3 xil küchlerning buzghunchiliq heriketlirige qattiq zerbe
bérish, muqimsizliq amilliridin qattiq agah bolup, Xinjiangning uzun
muddetlik muqimliqigha kapaletlik qilish lazim > dep körsetken.
Zhou yungkangning bu qetimqi ziyaritige, Xitay jamaet xewipsizlik
ministirlikining rehberlirimu hemra bolup qatnashqan..
|
