Xitay Hökümiti Sherqiy Türkistanda Qaysi Séctorlargha Nime Seweptin Meblegh Salidu?

Atalmish Xinjiang Uyghur Aptonom Rayonluq hökümet torining mushu ayning 16 - künidiki bir doklatigha asaslanghanda, Aptonom Rayonluq hökümet bu yil 140 turluk muhim dep qaralghan qurulushqa 600 miliyon yuan meblegh salghan bolup, buning ichide eng köp meblegh yenila tömur yol qatnishi, yuquri süretlik tash yol qatnishi we hawa qatnishi shundaqla electronluq alaqe yollirigha sélinghan.

Nahayiti eniqki, Sherqiy Türkistangha sélinghan meblegh peqet Sherqiy Türkistanning yer baylighini tehimu tezlikte Xitay ölkilirige toshush üchün xizmet qilidu. Chünki Sherqiy Türkistandin Xitaygha toshulidighan tebi bayliq we yer asti bayliqliri sanap tügetküsiz bolup buning ichide peqet , 2010- yiligha barghanda Xitay hökümiti Sherqiy Türkistandin xitaygha toshuydighan neftning miqdarila 34million tonnigha yétidiken. emma shunchiwala kop bayliqning esli igisi bolghan Sherqiy Türkistan uyghurliri asasi jehettin yeza bazarlargha yerleshken bolup, ularning adem béshigha toghra kélidighan ottura hisap kirimi aran 4500 yuan, bu kirim sheherlerge olturaqlashqan Xitay ahalisining adem béshigha toghra kélidighan 16,000 yuan kirimige sélishturghanda zor perqlinidu.

Xitay hökimitining Sherqiy Türkistannning yer baylighini achközlük bilen talan taraj qilishi Sherqiy Türkistan xelqinila namratlashturup qalmastin belki muhitni eghir derijide buzghunchiliqqa uchratqanliqtin Sherqiy Türkistandiki yawayi haywanlarning nesli qurup, ahaliler arisida her hil gheyri kesaller tarqalmaqta. Xitay hökümiti peqet bayliqlarni toshushqila meblegh sélip, uyghurlar olturaqlashqan rayonlardiki saqliqni saqlash we muhit asrash ishlirigha meblegh salmighanliqtin Uyghurlar kesal körsitish üchün Xitaylar olturaqlashqan sheherlerge kélip kesal körsitishke mejbur bolidu, we yaki nurghun jiddi keseller yolda kelgiche olüp kétidu,yene nurghun uyghurlar bolsa namratliq destidin kesilinimu dawalitalmaydu.

Xitay hökümitining “Gherbi rayongha meblegh sélip gherbi rayonni rawajlandush” teshwiqati emiliyette Sherqiy Türkistandiki maddi kapitalni pütuüley sümürüp tügütishtin ibaret.