Xitay Hökümitining, Uyghur Mekteplirini Xitaylashturushining Asasi Nishani, Uyghur Ballirining Milli Kimligini Yoq Qilishi

Tianshan torining mushu ayning 16 - küni, Xinjiang Uyghur Aptonom Rayonluq maarip idarisining directori Sadir Sawut bilen bolghan sohbetke asasen bergen xewiride, Uyghur mekteplérini Xitaylashturush qedimini tezlitishning strategiyéliri élan qilindi. Qorchaq emeldar Sadir Sawut,muhbirning soallirigha jawap bérip, Uyghur mekteplirini Xitaylashturush üchün Xitay tili dersi otidighan oqutquchilarning choqum Xitay bolushini tekitlesh bilen birlikte , Uyghur ballirining diniy, milli közqarishini özgertip, milli bölgünchilikke qarshi turup Markisizimche mektep qurushning muhimlighini alahide tektligen. Buningdin koriwélishqa boliduki, Uyghur ballirining tilini Xitaylashturush hergizmu Xitay hökümiti teshwiq qiliwatqandek, sharaitning éhtiyaji, uyghurlargha ilghar Xitay maaripini ugitishni qolaylashturush bolmastin belki tup meqsed, Uyghur millitini yoqutush. yeni Uyghur ballirining milli engini dinni étiqadini yoqutushni , Uyghur mediniyitidin putunley xewiri bolmighan dinsiz Xitay oqutquchillirini ishqa sélish arqiliq emelge ashurushtin ibaret.

Ohshash xewerdiki melumatqa asaslanghanda, Sherqiy Türkitanning dehqanchiliq we charwuchiliq rayonlirida 6029 mektep bar bolup, 2.17 million Uyghur oqughuchi oquydiken.Xitay hökümiti bu balilarning ana tilida sözlesh we oqush pursitini tartiwélipla qalmay, ularni putunley dinsiz , öz tarihini we mediniyitini bilmeydighan, assimilatsiye qilinish ideologiyeside terbiylep ularning milli kimligini tartiwélish üchün jiddi qol salmaqta. Tarihshunaslarning periziche, Eger Xitayning bu pilani ghelbilik emelge éship her türkümde ene shu sandiki Uyghur Balliri asimilatsiye qilinip yoqutulsa ottura hisap bilen yene on yil ichide Uyghurlar putunley asimilatsiye bolup tugushi mumkin. emma bu yenila Uyghurlaning özlirini qaysi usullar bilen qandaq saqlap qélishi we qanchilik berdashliq beralishige baghliq.