Xitay Hökümiti Sherqiy Türkistanda Yolgha Qoyghan Birleshme Dawalsh Sughurtisi Zadi Qandaq Nerse ?

Xitay hökümiti yéqinda birleshme dawalash dep atilidighan bir xil dawalash sughurtisi yolgha qoyghan bolup, Xitay hökümiti bu sughurtigha tizimlap sughurta heqqi toligenlerning herqandaq waqtta herqandaq shekildiki késélini dawalitishigha kapaletlik qilidighanlighini bazargha sélip nurghun déhqanlarni bu sughurtigha tizimlitip heq alghan. Xitaydiki bir xelq torining hewer qilishiche bu yilning beshidin bashlap Sherqiy Türkistandiki Kucha nahiyisi sirtlardin paxta térishkekelgen déhqanlarnimu bu sughurtigha kirguzgen. Xewerde éyiilishiche, déhqanlar sughurtigha peqet 15 yuan tapshurup qoysila 5000 yuandin 10000 yuangichebolghan ariliqta chiqim bolidighan késilini dawalitalaydiken. Xitay hökümiti xelqning dawalash we saqliqni saqlash ishlirigha rastinla kapaletlik qilalamdu? Uyghur déhqanlirining birleshme dawalashqa qatnashqandin kéyinki késel dawalitishqa dair heq hoquqliri qanuni kapaletke igimu yoq? Yéqinda bir Yaponiye muhbirining Sherqiy Türkistangha bérip Uyghur déhqanlirining mejburi emgekke séliniwatqan körünishini alghan video flimidiki Uyghur déhqanlirining ashkarilishiche, Xitay hökümitining birleshme dawalash sughurtisi digini aldamchiliqtin bashqa nerse emes bolup, sughurtigha qanche pul tolengen bolsa ashu pul tugigichila dawalinalaydiken, uning üstige sughurtigha yatquzilidighan tizimlitish puli anche köp bolmighanliqtin, sughurtidiki déhqanlar peqet adettiki bash aghrighi, zukam digenge oxshash ushshaq késellarnila dawalitalaydiken. Köprek chiqim bolidighan éghir késellarge birleshme dep atalghan bu sughurta héchqandaq dawalinish kapaliti beralmeydiken. Eger déhqanlar késel bolmisa, birleshme sughurtisi bu arqiliq payda alidiken. Xitayda qanunning héchqandaq küchi bolmighanliqtin bu xil qaqti-soqti qilish ehwalliri intayin éghir bolsimu, xelqning heq hoquqi qoghdalmaydu. Xitay hökümiti Olympicni kütüwélish üchün özidiki namratliqni we heqsizlikni barküchi yoshurushqa uruniwatqan mushundaq birpeytte “birleshme dawalash sughurtisi” Olympic mehmanlirining aldida Xitaydiki xelqning dawalash sughurtisigha ige ikenligini, xelqning hökümet teripidin parawanliqqa érishturiliwatqanlighini köz köz qilish üchün yolgha qoyulghan aldamchiliq sughurtisi bolup, emiliyette bolsa bir parche héchqandaq roli yoq dawalash kinishkisidinla ibaret iken.

.