Xitayning Saxte We Etkes Malliridin Bizar Bolghan Germaniye, Xitaygha Tamojna Xadimi Iwetishke Hazirlanmaqta

< Germaniye dolqunliri > radiosining xewer qilishiche, Germaniye hökümiti Xitayning saxte we etkes mallirigha qarshi teximu ünümlük zerbe bérish we buxil mallarning germaniyege kirishining aldini élish üchün, Germaniyening Bei jindiki elchixanisigha mexus tamojna xadimi iwetishni qarar qilghan.

Yuqarqi xewerde körsütülishiche, nöwette Dunyadiki saxte mallarning 5 ten 1 qismi Xitaygha ayit bolup, Germaniyege kiriwatqan saxte we etkes mallarning mutleq köp qismimu yene Xitaydin kiridiken.

Germaniyege saxte mallarning kirish éghizi asasen Hanbrug porti bolup, ötken seyshenbe küni Germaniye tamojna organliri bu portta qolgha chüshürülgen 117 konteyner ( mal sanduqi ) saxte malni bit – chit qilghan, qol sa’iti, éliktir saymanliri, tenherket ayiqi … qatarliqlarni öz ichige alghan bu saxte mallarning köpünchisi Xitaydin kime bilen kirgüzülgen iken.

Saxte we etkes mallar heqqide Xitay terep hechqandaq uchur bilen teminlimigenliki üchün, Hambrug tamojna xadimliri buxil mallarni bayqap chiqishta zor qiyinchiliqqa duch kelgen. Shunga hökümet tarmaqliri saxte mallarni toshuydighan kemilerning heriket yölünishi, mal konteynerlirining nomuri, éghirliqi, mal salghan orunning adrisi … qatarliq jehetlerde aldin uchurgha érishish meqsidide, keler yili bir tamojna xadimini hem deplomat, hem tamojna xadimi salahiyiti bilen Germaniyening Xitaydiki bash elchixanisida turghuzushni qarar qilghan.

Undin bashqa yene Germaniye hökümiti, Germaniye we Yawropadiki zawut we shirketlerni, özlirining mallirini teqlit qilip yasiwalghan Xitay karxanilirini pash qilishqa chaqirghan.
Mezkur xewerde körsütülishiche, Xitayda texnikisini özi ijat qilip mal ishlepchiqiridighan zawut – karxanilarning sani omomiy karxanilarning aranla 0.03 pirsentini teshkil qilidiken, yeni, Xitaydiki zawut – karxanilarning hemmisila digüdek texnika jehette teyyargha heyyar bolup, bashqilarningkini oghrilap ishlitish bilen jan baqidiken.

Xitayning saxte malliri bashqa ellergila emes, hetta özining puxralirighimu éghir ziyan keltürüshke bashlighan.
Mesilen, 2004 – yili Xitayning Hua Dung rayonida 12 yesli balisi saxte süt parashogini iship zeherlinip ölgen, saxte sana’et üsküniliri we aptomobil saymanlirining keltürgen ziyiti teximu éghir iken.

Bolupmu Xitaydin gherip ellirige eqip kiriwatqan saxte mallarning ichide eng xeterliki éliktir saymanliri bilen sehiye üsküniliri bolup, chala – pula yasalghan bu éliktir saymanliri asanla ot apitini keltürüp chiqarsa, peqetla dezinpeksiye qilinmighan sehiye üsküniliri insanlarning salametlikige jiddi xewip yetküzidiken.
.