Atalmish < Terorizimgha Qarshi Birleshme Maniwer > gha Qatnashqan Herbiy Qisimlar Teghdirlendi

< Tianshan tori > ning xewer qilishiche, 11 – ayning 6 – küni < Xinjiang chegra mudapiye bash etriti > de mexsus teghdirlesh chong yighini chaqirilip, buyil 8 – ayning 24 – künidin 26 – künigiche Qazaqistan bilen Xitay teripidin ötküzülgen < terorizimgha qarshi birleshme maniwer > gha qatnashqan herbiy qisimlargha mukapat tarqitilghan.

< Aptonom rayonluq siyasi qanun komutéti > ning sekritari Zhu Hai Lun teghdirlesh yighinida qilghan sözide, Sherqiy Türkistanda turushluq chegra mudapiye qisimliridin < muqimliq > ni qoghdashni we < teroristik heriketler > ge qattiq zerbe bérishni telep qilghan.
Mezkur xewerde körsütülishiche, bu qétimqi yighinda mukapatlanghan 156 neper Xitay eskiri, Shang hai hemkarliq teshkilatining xelqaraliq ornini yuquri kötürüshte mohim rol oynighanmish we < 3 xil küchler > ni qattiq chöchütüp qoyghanmish !

Köpchilikke melum bolghinidek, Xitay hakimiyitining atalmish < Shang hai hemkarliq teshkilati > ni wujutqa chiqirishidiki asasi meqsidi, Sherqiy Türkistan xelqining milliy musteqilliq heriketlirini basturush we Sherqiy Türkistan xelqining tashqi dunya bilen bolghan alaqisini üzüp tashlashtin ibaret bolup, yeqinqi yillardin buyan Xitay dayirliri Sherqiy Türkistangha xoshna bezi eller bilen birlikte < terorizimgha qarshi turush > digen niqap bilen birleshme maniwer ötküzüp kelmekte.