Rabiye Qadir We Nobel Hayajani

Nobel ténichliq mukapati élan qilinidighan künning yéqinlap kélishige égiship, chetellerdiki Uyghurlarning hayajani we ümidimu üzlüksiz éship barmaqta.





Uyghurlarning milliy rehbiri we meniwiy anisi Rabiye Qadir hanimning buyilliq nobel ténichliq mukapatigha namzat qilip körsütülgenliki, Mubarek Ramazan eyi kirgendin buyan dunyaning herqaysi elliride yashawatqan Uyghurlarning iptar söhbetliridiki eng asasliq témilarning biri bolup keldi, ular iptar we tirawil namazlirida qilghan du’alirida, janabi allahtin Rabiye hanimning nobel mukapatigha érishishini tilep kelmekte, ularning neziride Rabiye hanim yoqulup kétish xewipige duch kéliwatqan mezlum bir milletning ümit chiriqidin ibaret. Bu menzire, Uyghur xelqining Rabiye hanimgha bolghan söygüsini munazire telep qilmaydighan halda ochuqche sherhile turmaqta.



Öz millitining qelbide texit qurghan insanlar, héch shübhisizki pidakar, ixlasmen, wapadar we küreshchan insanlardin ibaret, Rabiye hanim bir chaghlarda pütün Xitay boyiche eng bay 10 kishining biri idi, yene kélip Xitay siyasi meslihet kengishining ezasi bolup, unungda pul, unungda sherep, unungda mertiwe toluq idi, emma u, adalet we heqqaniyet, erkinlik we demokratiye yolida hemmidin waz kechti, chünki unung üchün millet söygüsi hemmidin üstün we muqeddes idi.

Rabiye hanim meyli bu yilliq nobel mukapatigha érishsun yaki érishelmisun, unung resmi namzatlar qataridin orun alghanliqining özila Uyghur xelqi üchün zor bir shan – shereptin ibaret, xalas !




Xewerlerde körsütülishiche, buyilliq nobel ténichliq mukapatining sahibi 10 – öktebir élan qilinidiken we 13 – öktebir küni mukapat tarqitish murasimi ötküzülidiken.

Nobel mukapati 1901 – yili tésis qilinghandin buyan Amerikiliqlar 228 qétim bu mukapatqa érishken bolup, birinchi orunda turidiken, ikkinchi orundiki engilizlar 75 qétim, üchünchi orundiki Germanlar 65 qétim nobel mukapatigha érishken.

Rabiye hanim, nobel mukapatigha resmi namzat qilip körsütülgen tunji Uyghur bolup, bu, Uyghurlarning dunyagha tonulushi we Sherqiy Türkistan milliy musteqilliq herikitining xeliqaralishishi üchün zor tarixiy ehmiyetke ige.



Kélinglar, hemmimiz qolni – qolgha bérip, Rabiye hanimning muwapiqiyetke érishishi üchün dua qilayli!

Rabiye Qadir 20 milyon Uyghur xelqining pexirlik meniwi anisi!



Rabiye Qadir, pütkül musulman dunyasidiki ayallarning erkinlik ülgisi!

Rabiye Qadir, pütün dunya ayallirining pexri!

Rabiye Qadir, pütün dunya ayallirining ghurur mizani!

Rabiye Qadir, igilmes, sunmas qeyser Uyghur ayallirining shanliq ülgisi!

Rabiye Qadir, milliy kürishimizning yéngi ümit yultuzi!