Matem Künide Gérmaniyide Xitaygha Qarshi Namayish -Öctobir 1, 2006

DUQ ning chaqiriqigha binaen, 10 - ayning 1 - küni Amérika, Yawrupa, Asiya we Awistiraliye qit`eliridiki Uyghurlar toplushup olturaqlashqan dewletlerde "Matem küni" munasiwéti bilen, birla waqitta Xitaygha qarshi namayish yaki her xil shekildiki naraziliq paaliyetliri élip bérildi. Jümlidin Yawrupa Sherqiy Türkistan Birliki teshkilatining orunlashturishi bilen, Gérmaniye Uyghurliri 1 - öktebir küni saet 12:00 din 14:00 ghiche Miyunxčn shehridiki Xitay konsulxanisi aldida keng kölemlik namayish élip bardi. Bu qétimqi namayishqa DUQ rehberliri we ezaliri, Yawrupa Sherqiy Türkistan teshkilatining rehberliri we ezaliri hemde Gérmaniyining herqaysi yurtliridin kelgen Uyghur jamaitidin bolup yüzligen kishi qatnashti.

Namayishchilar 16 m² chongluqtiki Ay - yultuzluq kök bayraq etrapida uzun sep hasil qilip, her xil wéwiskilar we lozunkilarni kötürüshken halda "Uyghurlargha musteqilliq!, Uyghurlargha démokratiye! Uyghurlargha Insan heqliri! Xitaylar wetinimizdin chiqip ketsun! Xitayning bayram küni __ bizning matem künimiz! .." dégendek shoarlarni üzmey towlap, Xitay konsuli aldini lerzige saldi. Nurghunlighan Gérman jamaiti bu qétimqi namayishni estayidil küzetti. Yawrupa Sherqiy Türkistan birliki teshkilati teripidin tüzülgen Xitayning insan heqliri depsendichilikige ait matériyallar ularning Uyghurlarning ehwalini chüshinishige yardem berdi.

Bu qétimqi namayish jeryanida, DUQ ning bash katiwi, Yawrupa Sherqiy Türkistan Birliki teshkilatining reisi Dolqun Eysa ependi, Yawrupa Sherqiy Türkistan Birliki teshkilatining Sabiq reisi Esqerjan, DUQ ning sabiq muawin reisi Enwerjan, DUQ ijraiye komitétining muawin reisi, Ablimit Tursun ependi, DUQ diniy ishlar bölüméning muawin mudiri Abdujélil qarihajim qatarliq zatlar ilgiri - kéyin nutuq sözlep, 10 -ayning 1 - künining Uyghur xelqining Xitay asaritige mehkum bolghan "Matem küni" ikenlikini, bu künde achliq élan qilish, namayish qilish, herxil yighilishlarni ötküzüsh we toy - tökün, köngül échish paaliyetlirini cheklesh arqiliq, Uyghur millitining mustemlike hayatigha bolghan qarshiliqini ipadilesh, Shehidlarni eslesh, Xitayning bayrimigha nepretlinish, Azatliqqa telpünish qatarliqlarni her bir Aililerge qeder omumlashturush heqqide pikirler bayan qildi.

Bu qétimqi namayish ishtirak qilghan adem sanining köpliki we kishiler keypiyatining alahide yuqiriliqi bilen ilgiriki namayishlardin zor derijide perqlendi. Namayishni küzetküchi bashqa milletlerning sanimu köp boldi.

Xitay Konsulxanisidikiler namayishchilarni kamiragha tartip tehdit salmaqchi bolghan bolsimu, namayishchilar ulargha qollirini shiltip, "Xitaylar wetinimizdin chiqip ketsun!" digen shuargha qoshup "Xitaylar Gérmaniyidin chiqip ketsun!" dégen shuarlarnimu qoshup towlash bilen jawap berdi.

Bu qétimqi namayishqa qatnashqan Uyghurlarning mutleq köp qismi roza tutqan we roza tutalmighanlar achliq élan qilghan bolup, bu hal namaysihqa qatnashqan onlighan Uyghur perzentlirining qelbide yaxshi tesirler peyda qildi.


Yawrupa Sherqiy Turkistan Birliki Teshwiqat Bölümi

2006-yili 10-ayning 1-küni