Peqetla Chong Qingdin Kelgen Xitaylarning Ikki Ayda Tapidighan Puli 100 Milyon Yuan

< Xinhua axbarat agentliqi > ning 9 – ayning 27 – küni Ürümchidin bergen xewiride körsütülishiche, 8 – ayning otturliridin buyan Sherqiy Türkistangha paxta terish üchün Chong Qing shehrining apetke uchrighan rayonliridin kelgen 49 ming 500 Xitayning ikki ayda sherqiy türkistandin tapidighan pulining miqdari 100 milyon yuange yetip baridiken.

Bingtuanning herqaysi dewiziyelirige teqsim qilinghan bu Xitaylar, tergen her kilogiram paxta üchün 0.85 yuan alidiken, ular üchün bekitilgen bu ´heq ötken yildikidin 015 yuan yuquri iken, bunung bilen, 8 – ayning otturliridin 10 – aygha qeder her bir Xitay 2000 yuandin köpirek kirim qilidiken. Unung üstige bu paxtichi Xitaylarning yimek – ichmiki, qonalghusi, kiyim – kechekliri tamamen heqsiz bolup, yene ularni kelidighan chaghda poyez biliti bilen heqsiz teminligen.

Bundin birnechche kün burun Xoten wilayetlik partikomning sekritarining bergen bir doklatida, Xotendiki dehqanlarning kishi beshigha toghra kelidighan yilliq sap kirimining 1300 yuange yetkenliki bayan qilinghan we Xitay hökümiti qilche nomus qilmay bu reqemni < qolgha keltürülgen zor netije > dep körsetken idi.