Wen Jia Bao Germaniye Ziyaritide Qattiq Naraziliqqa Uchridi

< Germaniye dolqunliri > radiosi, Xitayning bash ministiri Wen Jia Baoning bu qétimqi Germaniye ziyariti jeryanida kishilik hoqoq mesilisi tüpeylidin ilgiri körülüp baqmighan derijide éghir naraziliqqa uchrighanliqini xewer qildi.

Mezkur xewerde, Wen Jia Baoning ziyariti jeryanida, Xelqara kechürüm teshkilati, chégrasiz muxpirlar teshkilati, Uyghur we Tibet teshkilatliri, shunungdek türlük kishilik hoqoq teshkilatlirining bayanat élan qilish, naraziliq namayishi élip bérish qatarliq usollar bilen, Xitay hakimiyitining kishilik hoqoqni éghir derijide depsende qiliwatqanliqini, Xitaydiki azsanliq milletlerning heq – hoqoqlirining qattiq déxil - terüzge uchrawatqanliqini ténqiq qilghanliqi bayan qilindi.

Xewerde yene, Germaniye hökümititi kishilik hoqoq komutetining mesuli Nok ependiningmu bayanat élan qilip, Beijing hökümitining axbarat erkinlikini boghush we kishilik hoqoqni ayaq asti qilish jehetlerdiki bir qatar qilmishlirini éghir derijide ténqitligenliki, Germaniye bash ministiri Merkel xanimningmu buyil 5 – ayda Xitayni ziyaret qilghanda we bu qétim Wen Jia Bao bilen körüshkende, kishilik hoqoq mesilisini alahide tekitlep ötkenliki qeyt qilindi.

Xewerde, < kishilik hoqoq jehette Xitaygha yüz – xatire qilidighan dewir ayaqlashti > dep körsütildi.