Wang Le Quan, Xitayda Tesis Qilinghan < Xinjiang Toluq Ottura Sinipliri > ni Maxtap Kökke Köterdi

< Xinjiang geziti > ning xewer qilishiche, 9 – ayning 3 – küni, atalmish < Aptonom Rayonluq Partikom > ning bash sekritari Wang Le Chuan, Ürümchige ziyaretke kelgen Xitay ma’arip ministirining orunbasari Li Wei Hong bilen körüshkende, Ma’arip ministirliki we Qérindash ölkilerning qollishi we yardimi bilen, ichki ölkilerde < Xinjiang toluq ottura sinipliri > tesis qilinghan 6 yildin buyan, bu jehette zor ilgirlesh hasil qilinghanliqini, ichkirige iwetiliwatqan oqughuchilarning saniningmu barghanliri köpüyiwatqanliqini, bu siyasetning, < Xinjiang > ning tereqqiyati üchün zor ehmiyetke ige ikenlikini bayan qilghan.

Xitay hökümiti, 2000 – yilidin etibaren Xitayning ichki ölkiliride mexsus < Xinjiang toluq ottura sinipliri > ni tesis qilip, Sherqiy Türkistandin Uyghur oqughuchilarni bu mekteplerge iwetip terbiyilep kelmekte. Xitayning bu siyasiti, Sherqiy Türkistanning Milliy ma’aripini Xitaylashturush yolida basqan eng mohim qedemlirining biri bolup, Xitay hökümiti bu atalmish < Xinjiang sinipliri > arqiliq, ismi uyghur, jismi xitay bolghan yeni bir ewlat uyghur yashlirini terbiyilep chiqish web u arqiliq uyghurlarni atsimilatsiye qilip yoqutush pilanini tezrek emelge ashurushni meqset qilghan idi. Shundin buyan weten ichi we sirtidiki uyghurlar xitay hakimiyitining bu siyasitige qattiq naraziliq bildürüp kelmekte. Hetta bu heqte Amerika parlamentidimu birqanche qetim mexsus guwaliq yighinliri chaqirilghan, Xelqaraliq kishilik hoqoq teshkilatlirining doklatliridimu yer élip kelgen idi.