Sherqiy Türkistandiki Ali Mektep Oqughuchilirining 20 – 30 Pirsenti Namratlarning Perzentliri

< Xinjiang iqtisat géziti > ning 8 – ayning 14 – künidiki xewiride körsütülishiche, Sherqiy Türkistanda her yili ali mekteplerge qobul qilinidighan 50 minggha yéqin oqughuchining 10 mingdin köpireki namrat ayililerning perzentliri bolup, ular mektep püttürgiche intayin zor qiyinchiliqlarni béshidin kechüridiken. Bolupmu déhqanchiliq, ormanchiliq we pidagogika késipliride oquwatqan oqughuchilar ichide namrat oqughuchilarning nisbiti birqeder yuquri iken.

Emma yuqatqi xewerde, namrat oqughuchilarning milliy terkipliri heqqide izahat bérilmigen bolup, wetendin kelgen uchurlargha qarighanda, Ali mekteplerdiki namrat oqughuchilarning asasliq qismi Sherqiy Türkistanning jenobi rayonliridin kelgen Uyghurlar bolup, oqush chiqimining yuquriliqi tüpeylidin, perzentliri oqushini tamamlighangha qeder charwa – mal we qoro – jaylirini sétishqa, hetta yuquri ösümde qerz pul élishqa mejbur bolidiken. .