< 3 ependi > ler Qaysi Waqitlarda Xitaygha Kélip Birleshken ?

Hemmimizge melum bolghinidek, Sherqiy türkistanning yéqinqi zaman tarixidiki Mes’ud Sabri Bayquzu, Muhemmed Emin Bughra, Eysa Yüsüp Alptekinler, Sherqiy Türkistanning yéqinqi zaman tarixida ötken mexshur milletchi rehberler bolup, eyni chaghda ular Uyghurlar teripidin < 3 ependi > dep atalghan.

30 – 40 – yillarda bu 3 ependi ilgiri – kéyin bolup Xitaygha kélip, birlikte milliy küreshlirini dawamlashturghan, Dektator Shing Shi Sai aghdurulghandin kéyin, 1945 – yili yene birlikte Sherqiy Türkistangha qaytip kelgen.

Eyni chaghda Mesut ependi < Xinjiang ölkilik hökümet > ning reyisi, Muhemmet Imin Bughra ependi Muawin reyisi, Eysa ependim bolsa bash katibi bolghan, 49 – yili Muhemmed Emin Bughra ependi bilen Eysa ependi chet'elge chiqip ketken, Mes'ud ependi késellik sewebi bilen wetende qalghan.

< 3 ependi > ning Xitaygha kélish waqitliri töwendikiche:
Eysa Yüsüp Alptekin ependim, mustebit Shing Shi Saining ziyankeshlikidin saqlinish üchün, 1932 – yili 6 – ayning 2 – küni Woweyt ittipaqi arqiliq poyiz bilen Xitayning Bei Jing shehrige yétip kelgen we arqidin Xitayning paytexti Nan Jing shehrige yerleshken.
Mes'ud Sabri Bayquzu ependimu oxshash sewep bilen 1935 – yili 1 – ayning 30 – küni Hindistan arqiliq Nan Jinggha kélip Eysa ependi bilen birleshti.

Muhammed Emin Bughra ependimu 1933 – yilidiki inqilap meghlup bolghandin kéyin, Hindistangha iltija qilishqa mejbur bolghan idi, umu oxshash sewep bilen, 1943 – yili 4 – ayning 6 – küni bala – chaqisi we birqanche inqilawiy sebdishi bilen birge Hindistandin Xitayning Nanjing shehrige yétip kélip yuqarqi ikki ependim bilen birleshti, manabu, mexshur < 3 ependi > ning barliqqa kélish jeryani..