< Dunya Sakliri Milliy Kengishi > ning Reyisi Dr. Csapo I. Jozsef Ependi Bayanat Elan Qilip, Romaniyediki Xitayperes Metbuatlargha Qattiq Reddiye Qayturdi

Uyghurlar bilen tarixiy jehettin qandashliq we qerindashliq munasiwiti bolghan Saklarning asasliq qismi bügün Romaniyede yahsimaqta we Romaniyede siyasi, iqtisadi jehetlerde belgilik tesirge ige.

Noposi 3 milyon öp – chöriside bolghan Saklar, kéyinki yillardin buyan Romaniye hökümitidin Aptonomiye telep qilip kelmekte.

Merkizi Romaniyede bolghan < Dunya Sakliri Milliy Kengishi > bolsa, pütün dunyada yashawatqan Saklarning wekil xarektirlik ali rehberlik orgini.

Buyil 6 – ayda merkizi Germaniyening München shehridiki < ETIC – Uyghur Tetqiqat Merkizi > bilen < Dunya Sakliri Milliy kengishi > öz ara qerindashliq we hemkarliq ehdinamisi imzalap, Uyghurlar bilen Saklarning tarixiy munasiwetlirini kücheytish üchün bir qatar paaliyetlerni élip barghan idi.

< ETIC – Uyghur Tetqiqat Merkizi > ning rehbiriy xadimliridin terkip tapqan 3 kishilik bir hey’et buyil 6 – ayning 3 – küni teklipke asasen Romaniyege berip, < Dunya Saklar Milliy Kengishi > teripidin Csiksomlyo rayonida uyushturulghan we yilda bir qétim ötküzülidighan Hunlargha mensup milletlerning diniy we milliy bayrimi paaliyitige qatniship qaytip kelgendin kéyin, Romaniyediki bir qisim Xitayperes gezit – jornallar we téléwiziye istansiliri, Xitayning Romaniyediki elchixanisining qutrutushi bilen arqa – arqidin mexsus xewer – maqalilar elan qilip, Uyghurlar bilen Saklar otturisida qurulghan bu hemkarliq munasiwitining xarektirini burmilap, chetellerde qanunluq pa'aliyet élip beriwatqan pütün Uyghur teshkilatlirining hemmisinila xuddi < teroristik teshkilat > tek qilip körsütüp, tigh uchchini < Dunya Sakliri Milliy Kengishi > ning pirezidenti we Romaniye parlamentining sabiq ezasi Dr. Csapo I. Jozsef ependige qaratqan, shundaqla uninggha, < Amerika we BDT teripidin teroristlar tizimlikige kirgüzülgen Uyghur teroristliri bilen hemkarlishiwatidu > dep töhmet chaplashqa urunup kelgen idi.

Külkilik yeri shuki, Romaniyening bezi gezitliride, Dr. Csapo I. Jozsef ependining Münchenge mexpi kélip, Uyghur < terorisliri > bilen mexpi körüshüp, ular bilen kélishimname tüzgenliki qeyt qilinghan.

Emma heqiyqi ehwal del bunung eksiche bolup, < ETIC – Uyghur Tetqiqat Merkizi > ning reyisi Perhat Yorungqash, bashkatibi Ümit Agahi we Hilalidin ependiler 6 – ayning 3 – künidin 5 – künigiche ochuq – ashkare halda Romaniyediki < Dunya Sakliri Milliy Kengishi > ning pa'aliyetlirige qatnashqan, ikki terep otturisidiki hemkarliq kélishimimu münchinde yoshurun emes, belki 6 – ayning 5 – küni < Dunya Sakliri Milliy Kengishi > ning Romaniyediki merkizide, < Dunya Hunlar Qurultiyi > ningmu rehberlirini öz ichige alghan birqanche yüz kishi qatnashqan bir murasimda imzalanghan, bu heqtiki xewerlermu eyni chaghda Romaniye we Wingiriye metbuatlirida ochuq elan qilinghan idi, bügünki künge kelgende Romaniyediki bir qisim metbuatlarning bu riyalliqni qesten burmilashqa uruniwatqanliqi, ularning Xitayning menpeetliri üchün astirttin xizmet qiliwatqanliqini körsütüp turmaqta.
< Dunya Sakliri Milliy Kengishi > ning pirezidenti Dr. Csapo I. Jozsef ependi 8 – ayning 1 – küni elan qilghan bayanatida, Hem Uyghurlargha, Hem Saklar Milliy Kengishige siyasi jehettin töhmet chaplawatqan Xitayperes metbuatlargha qattiq reddiye qayturdi we Chet'ellerdiki Uyghur teshkilatlirining özliri turiwatqan Döletlerning qanun – Tüzümlirige emel qilghan asasta tenichlit shekli bilen paaliyet qilip kéliwatqanliqini, uyghur Xelqining nöwette élip beriwatqan küreshlirining heqqaniy bir küresh ikenlikini tekitlidi.

Buyil 6 – ayning 5 – küni, Romaniyede < ETIC – Uyghur Tetqiqat Merkizi > bilen < Dunya Sakliri Milliy kengishi > otturisida imzalanghan qerindashliq we Hemkarliq ehdinamisining toluq tekisti töwendikiche:
( izahat: bu ehdiname, Uyghurche, Germanche, Majarche we Romanche 4 xil tilda hazirlanghan bolup, ikki terep wekilliri unung Uyghurche we Majarche nusxilirigha imza atqan idi )

Qerindashliq Ehdinamisi

< Dunya Sakliri Milliy Kengishi > bilen, < ETIC – Uyghur Tetqiqat Merkizi > wekillirining bu qétimqi öz ara uchrushishi arqiliq, ikki terepning töwendikidek ortaq nuxtilargha kelgenliki jakalandi:
Tarixtin qerindashliq beghi bolup kelgen ikki millet, öz ara qerindashliq munasiwetlirining tarixiy sirlirini emiliy pakitlar arqiliq ispatlashqa tirishidu;

Ikki terep bunungdin kéyin qerindashliq hemkarliqini üzlüksiz kücheytish arqiliq, ikki terep xelqining ortaq qiziqiwatqan mesililiri üstide izdinish élip baridu;

Saklar bilen Uyghurlarning nechche ming yilliq ortaq tarixi, ikki milletni bir – birige teximu yéqinlashturidu we ikki milletning tarixtin qalghan echilmighan sirlirining yeshilishi hem bu ulughwar burchini ada qilishigha medet bolidu;

Biz, ikki millet wekillirining bu tarixiy uchrushushini we hemkarliqini, bash tartip bolmaydighan tarixiy bir muqerrerlik dep hisaplaymiz, shundaqla, ikki millet Xelqlirining qan – qerindashliq munasiwetlirining tarixiy bir riyalliq ikenlikini jakalaymiz;

Qan – qerindashliq munasiwiti bolghan bu ikki millet wekillirining öz ara dostluqini emiliy herikitimiz we xizmetlirimiz arqiliq ispatlaymiz !

Dr. Csapo I . Jzsef                               Perhat Muhemmet
( Saklar Milliy Kengishining reyisi ) ( ETIC – Uyghur Tetqiqat  

                                                    Merkizining reyisi )
( imza )                                                 ( imza )

Tulit Attila

( saklar Milliy Kengishining muawin reyisi )

( imza )

Ümit Agahi

 ( ETIC – Uyghur Tetqiqat merkizining bash katibi )

( imza ).