Xitay Armiyesining Zamaniwilishishidin
Ümit Yoq

Armiyeni zamaniwilashturush, Xitay merkiti hökümiti teripidin 80 – yillarda otturigha qoyghan < 4 te zamaniwilishish > shoarining eng mohim terkiwi qismi.
Shundin buyan Xitay hökümiti herbiy qisimlirini zamaniwilashturush qedimini tézlitish üchün, Ali mekteplerni püttürgenlerni armiyege qobul qilish web u arqiliq armiyening kespiy sapasini östürüshke alahide ehmiyet berip kelmekte.
Emma, armiyege qobul qilinghan ziyalilar Xitay hökümitining kütken yeridin chiqmighan.

< Xitay xewer tori > ning 8 – ayning 12 – küni bergen xewirige asaslanghanda, Ali mekteplerdin armiyege qobul qilinghanlar herket, pikir, idiye jehetlerde azatliq armiyesining en – enilirige masliship kételmigen, armiyening shikayitige qarighanda ular japa tartishtin qachidiken, özi armiyede bolghini bilen, kallisi bashqa yerlerde iken, hetta eskerde ofisser bolushtin özini qachuridiken.

Mezkur xewerde, bundaq bolushining sewepliri töwendikidek izahlanghan:
Birinchidin, nöwettiki ali mekteplerning siyasi istili burunqigha oxshimaydiken, yash ziyalilarning siyasi idiyesi bilen, armiyening siyasi idiyesi otturisida periq intayin chong iken.

Ikkinchidin, armiyege qobul qilinghan ziyalilarning hemmisila 22 – 23 yash öpchöriside bolup, ularda idiye we heriket jehette muqim bir qarash yétilip bolghini üchün, ularning dunya qarishini özgertish nahayiti teske toxtaydiken.

Üchünchidin, hazirqi jemiyet mohiti bilen Armiye mohiti eyni chaghdiki Yan’an dewridikige we azatliqning deslepki mezgilliridikige oxshimighini üchün, yash ziyalilarni armiyening en – eniwi telim – terbiye usoli arqiliq terbiyilep chiqish usoli peqetla ünüm bermigen.