Buyil Uyghur Déhqanlirining Küni Tes

<< Xinjiang geziti > ning xewirige asaslanghanda, buyilning aldinqi yérim yilida Sherqiy Türkistanda déhqanchiliq mehsulatlirining ichide qunaqtin bashqa mehsulatlarning hemmisining bahasi chüshken, hetta charwichiliq mehsulatliriningmu bahasi töwenligen.

Mesilen, bughdaning bahasi ötken yilning oxshash mezgilidikidin 8.8 pirsent. Yaghliqdanning 33.3 pirsent, kala göshining 18.8 pirsent, qoy göshining 3.4 pirsent töwenligen, qonaqning bahasimu asasen ötken yildiki bilen oxshash bolghan.

Sherqiy Türkistandiki yerlik déhqan – charwichilar, bazarlarda istimal buyumlirining bahasi shiddet bilen éshiwatqan bügünki künde déhqanchiliq – charwichiliq mehsulatlirining bahasining töwenlishini, hökümet tarmaqlirining yerlik déhqan – charwichilarning menpe’etlirini qoghdash üchün héchbir tedbir almighanliqigha baghlap qarimaqta.

Kéyinki yillarda Sherqiy Türkistan rayonida sheherlikler bilen yerlik déhqanlar otturisidiki iqtisadi periqning yildin – yilgha éship bériwatqanliqi bir emiliyet, unung üstige Uyghurlarning 80 pirsentidin köpireki yéza noposidin ibaret..