Sherqiy Türkistanda < Jiang Zemin Tallanma Eserliri > Daghdugha Bilen Tarqitilishqa Bashlidi

Öz xewirimiz: Xitayning sabiq dölet reyisi Jiang Zeminning < 3 ke wekillik qilish > digen sepsete otturigha qoyulghan we kommunizim terbiyesi yetekchi idiye qilinghan < Jiang zemin tallanma eserliri > namliq 3 tomluq qizil tashliq kitap mushu ayning 10 – künidin etibaren Sherqiy Türkistanda daghdugha bilen tarqitilishqa bashlidi.


Xitay hökümiti bu kitapning daghdughisini ashurush üchün, Ürümchidiki Nenmin kitap setish merkizide Aptonom rayonluq partikom we Xelq hökümitige biwaste qarasgliq 120 din artuq organdin 1000 din artuq kompartiye ezasining qatnishishi bilen tentenilik murasim ötküzdi.
Murasimda, < Aptonom rayonluq partikom > ning muawin sekritari Nurbekri bu murasimda qilghan sözide, < Jiang Zemin tallanma eserliri > maxtap kökke köterdi we uni, < Markisizim neziriyesi gheznisige qoshulghan yene bir qimmetlik bayliq > dep teriplidi.

< Aptonom Rayonluq Partikom > ning buyruqigha asasen bu kitap oxshash künde Sherqiy Türkistanning pütün nahiyiliridiki 200 kitapxanida birla waqitta tarqitildi. Bu kitapni setiwalghuchilar pütünley hökümet teripidin mexsus orunlashturulghan emeldar we kommunistlardin terkip tapti.

Hökümet tarmaqlirining bildürishiche, Sherqiy Türkistanda < Jiang Zemin tallanma eserliri > din tunji türkümde 30 ming yürüsh, ikkinchi türkümde bolsa 50 ming yürüsh tarqitilidiken.

Bu kitapning hazir zarqitilghini Xitayche nusxisi bolup, hökümetning munasiwetlik orunliri teripidin Uyghurchigha terjime qilish hizmiti bashlanghan.

Xitay hakimiyitining shunche chong dawrang we daghdugha bilen bu kitapni tarqitishtiki asasi meqsidi, Xelqning mengiside kündin – künge suslishishqa bashlighan Kommunistik qayta janlandurushtin ibaret. .