Qeshqer Rayonida, Pensiyege Chiqip Ömri Hejige Barghan Ishchilarning Ma’ashliridin Bir Derije Élip Tashlandi

[Sürette: Sürette: Xitay hökümiti teripidin Qeshqer shehridiki héytgah jamimisigha chaplanghan, dinni kommpartiyege xitmet qildurush mezmun qilinghan 4 pirinsipliq uxturshi]

ETIC'ning wetendin biwaste igelligen uchurigha asaslanghanda, yéqinda Qeshqer wilayitidiki hökümet tarmaqliri mexsus küch teshkillep, buyil ichide Seudi erebistangha Ömri hajigha barghan pensiyege chiqqan Uyghur ishchilarni éniqlap chiqip, ularning pensiye ma’ashidin bir derije élip tashlighan.

Xitay hökümitining hetta pensiyege chiqqan yashanghan kishilerningmu normal diniy paaliyetlirini chekleshtek buxil gheyri insani qilmishi, yerlik xelq arisida küchlük ghulghula qozghighan.

ETIC'ning igellishiche, yéqinqi mezgillerdin buyan Qeshqerdiki hökümet tarmaqliri, diniy sahege qaratqan nazaret we besimini alahide kücheytken bolup, Yüsüp Qarim isimlik bir imam hech bir sewepsizla qolgha élinip türmige tashlanghan we ilgiri hökümetning testiqi élinip sélinishqa bashlanghan Qeshqer Lengger 2 – kentining mesjit qurulushini, < mesjid munarisi ölchemdin igiz bolup ketken > digen bahane bilen pichetlep toxtutup qoyghan.

Sherqiy Türkistan Informatsiyon Merkizi > ning pirezidenti Abdujelil Qaraqash ependi, yuqarqi hadisilerge bolghan qarashlirini bildürüp muxbirimizgha mundaq didi:
< Qeshqerde pensiyege chiqqan Uyghur ishchilirining normal diniy paaliyette bolghini üchün iqtisadi jehettin jazagha tartilghanliqi, Kommunist Xitay hakimiyitining Uyghurlarning Diniy etiqatini tüptin yoqutush üchün pilanliq bir siyaset yürgüziwatqanliqi körsütüp beridu, emiliyette bolsa Xitayning asasi qanunida Diniy etiqatni cheklesh heqqide hech bir madde yoq, eksiche kishilerning Diniy etiqat erkinliki kapaletke ige qilinghan,Mesilen, "Juonghua Helq Jumhuryiti Asasi Qanuni" ning 36 – maddisida, "Juonghua Helq Jumhuriyitining puhraliri dini etiqat erginlikige ige. Her qandaq döwlet orgini, ijtimai tehskilat we shehis puhralarni dingha étqat qilishqa yaki étqat qilmasliqqa zorlimasliqi, dingha etiqat qilidighan puhralarnimu, dingha etiqat qilmaydighan puhralarnimu kemsitmesliki lazim. Döwlet normal dini paaliyetlerni qoghdaydu" dep körsütülgen, "Juonghua Xelq Jumhuriyitining Milliy Teritoriyilik Aptonomiye Qanuni" ning 11 – maddisidimu yuqarqi söz eynen tekrarlanghan bolup, dimek Xitayning asasi qanuni we milliy teritoriyilik aptonomiye qanunida insanlarning dini etiqat erkinliki qanuni jehettin kapaletke ige qilip körsütülgen idi. Mahiyette bolsa Xitayning asasi qanunida körsütülgen bu madda héçbir zaman emilileshkini yoq, u peqetla dunya jamaetçilikining közini buyash meqsidide qeghez yüzidila sheklen mewjutliqini saqlap keldi. Gerçe Xitay hökümiti asasi qanunidiki bu maddini hazirgha qeder élip tashlimighan bolsimu, emiliyette bolsa bu maddining rohigha qarimu qarshi bolghan bir talaz qanun, nizam, pirinship we höjjetlerni çiqirip, özining asasi qanunini oçuqtin – oçuq inkar qilip keldi, Qeshqerde yüz bergen yuqarqi hadise bunung janliq örnigidin ibaret ! >.