Sherqiy Türkistandiki Xitay Metbuatlirida, < 11 – Sintebir Weqesi, Amerika Hökümiti Teripidin Bir Qolluq Pilanlanghan > digen Neziriyeler Teshwiq Qilinishqa Bashlidi

< Tian shan tori >, Sherqiy Türkistanda Xitay hökümiti teripidin bashquruliwatqan eng asasliq xewer torlirining biri.
Mezkur xewer torida 8 – ayning 8 – küni élan qilinghan, < 11 – sintebir weqesi heqqidiki süyqest neziriyeliri yene janlinishqa bashlidi, bir jüp dunya soda binasi bomba qoyup partilitilghanmu ? > digen maozuda chong hejimlik bir maqale elan qilindi. Bu maqalida, Amerikidiki bezi mutexesislerning türlük qarashlirigha yer bérilip, 2001 – yili yüz bergen < 11 – sintebir weqesi > de meydangha kelgen hadiside, teroristlar teripidin qachurulghan ayrupilanlar teripidin urulghan bir jüp igiz binaning, ilmiy jehettin alghanda ayrupilan bilen urup örüwétishning mumkin emesliki, eslide binaning astigha bomba qoyup partilitilghanliqi, Amerika hökümitining, bezi siyasi meqsetlirige yetish üchün bu binani pilanliq shekilde bomba bilen partilitiwetkenliki ilgiri sürüldi.

2001 – yilidiki bu weqede 3200 kishi hayatidin ayrilghan idi.
Ilgiri Sherqiy Türkistanda uzun yil muxbir bolup ishligen we hazir Germaniyede turiwatqan < ETIC – Uyghur Tetqiqat merkizi > ning reyisi Perhat Yorungqash bu heqte özining qarashlirini otturigha qoyup mundaq didi:
< Xitay hökümiti ezeldin chetelge munasiwetlik xewerlerni elan qilishta intayin ehtiyatchan bolup, hechbir xewer – uchurni meqsetsiz elan qilmaydu, chünki Sherqiy Türkistan Xelqi Xitayning xewirige qarighanda chetelning xewirige bekerek ishinidu, Xitayning qesten bu xewerni elan qilishidiki meqsidi meningche Uyghurlar arisida Amerikigha qarshi yaki Amerikigha ishenmeslik keypiyatning yuquri kötürülishini qolgha keltürüsh bolsa kerek ! >.

http://www.tianshannet.com.cn/news/content/2006-08/08/content_1096226.htm