Afghanistanda Pahishilik Qilghan 7 Xitay Chégradin Qoghlap Chiqirildi

2006.08.03 RFA

2 Awghust küni, Afghanistanda pahishilik we haraq sétish qatarliq jinayetler bilen shughullanghan 7 neper Xitay ayal , chégradin qoghliwitildi.

Amérika birleshme agéntliqining 3 ‏- Awghust künidiki xewirige qarighanda, Afghanistan ichki ishlar xadimi, ötken bir yil ichide élip bérilghan tekshürüsh netijiside texminen 120 neper Xitay pahishining qolgha chüshkenlikini bildürdi. Saqchilarning éytishiche, Xitaylar ashxana échish bahanisida haraq satqan we pahishilik qilghan .

2003 ‏- yilidin béri, Xitaydin Afghanistangha pul tépish üchün kelgen ademler sani intayin köp bolup, bolupmu kabulda Xitay ashxanisining sani kündin - Künge köpiyishke bashlighan. Buning bilen ashxanilar otturisida riqabet küchiyip, Xitay ashxaniliri mushteri jelp qilish üchün pahishilik qilish usulliri bilen mulazimet élip barghan.

Taliban hakimyiti aghdurup tashlanghandin kéyin, Afghanistanda her qaysi döletlerning résturanliri échilishqa bashlidi. Bolupmu Kabulda Amérika, Gérmaniye, Tailand, Türkiye, Iran qatarliq döletlerning résturanliri échilghan , peqet Xitaylarla köp pul tépish üchün musulmanlargha haraq sétish hetta pahishilik mulazimiti élip bérish usullirini qollanmaqta.

Afghanistan xelqi Islam eqidiliri küchlük bir xelq bolush süpiti bilen, Xitaylar sadir qilghan mezkür weqedin qattiq narazi bolmaqta. (Eqide)