Germaniyening Frankfurt Sheheride Xitay Hökümitige Naraziliq Bildürüsh Pa'aliyiti Ötküzüldi

Öz xewirimiz: Mushu ayning 30-küni Germaniyening Frankfurt sheheride olturushluq bir qisim Uyghuristan yashliri meslihetliship, nöwettiki Uyghuristan weziyiti heqqide öz-ara pikir almashturdi. Ular Xitay hökümitining Uyghurlargha qaratqan din, medeniyet, til-yéziq we iqtisadiy jehettiki talan-taraj siyasiti heqqide ayrim-ayrim halda pikir almashturup, Xitay hökümitining Uyghuristanda yürgüziwatqan pashistik siyasetlirini eyiplidi.

Xitay hökümiti yéqinqi yillardin buyan, bolupmu 2006-yili kirgendin béri Uyghur millitige qaritilghan érqiy tazlash siyasitini téximu qattiqlashturup, xelqimizning yashash imkanlirini taraytip, öz xelqimizge öz ana wetinimizni üsti ochuq türmige aylandurup kelmekte idi.

Paliyetke qatnashqan Uyghuristan yashliri aktipliq bilen heriketke kélip, Sherqiy Türkistanning Bayriqi chüshürülgen formilarni kiyiship Frankfurt sheherning asasliq chong kochillirini aylinip, 1) Xitay hökümitining Uyghur tili maaripigha chek qoyup, Uyghur yash-ösmürlirining öz ana tilida ders anglash erkinlikini tartip alghanliqi, we ma'arip sahesidiki buzghunchiliq heriketliri, 2) Xitay hökümitining Uyghur jamaetining dingha étiqat qilish erkinlikini taraytiwatqanliqi, keng étiqatchilar jamaétini türlük betnamlar bilen jazalawatqanliqi, 3) Uyghur yashlirining Xitay köchmenliri keltürüp chiqarghan ishsizliq destidin iqtisadiy jehette chiqish yoli tapalmay, meniwiy jehette chüshkünliship tuyuq yollargha kirip qéliwatqanliqi we wetinimizde yamrawatqan zeher istimal qilish we AIDES apiti, 4) Xitay hökümitining qanunsiz adem tutup, ulargha milliy bölgünchi, térorist, radikal dinchi dégen qalpaqlarni keydürüp, türmilerde qattiq qiyin qistaqlargha éliwatqanliqi, 5) Xitay hökümitining yer asti bayliqlirini pilansiz échish netijiside wetinimiz Uyghuristanning tebiéy ikilogiylik alayidilikini buzghunchiliqqa Uchritiwatqanliqi, 6) Xitay hökümitining Xitaydin türkümlep kéliwatqan xitay köchmenlirige yashash yoli tépish üchün, hedep mejburi halda pilanliq tughut siyasitini yolgha qoyup, Uyghur ana-balililirini türlük shekiller bilen öltüriwatqanliqi qatarliqlar mezmun qilinghan Sherqiy Türkistan informatsion merkizi teripidin teyyarlanghan Germanche, Türkche matériyallarni tarqitip, Xitay dölitining Uyghuristan xelqining kishlik hoquq we insan heqlirini, xelqara ehdinamilerge xilap halda depsende qiliwatqanliqini teshwiq qildi.

Bu paaliyetke qatnashqanlarning bildürishiche xelqimizning démokiratiye, insan heqliri we kishlik hoquq problemlirini xelqara jamaetchilikke anglitish, Xitay dölitining Uyghuristanda keng külemlik yürgüziwatqan pashistik jinayi qilmishlirini ashkarilash we pash qilish jehette bu pa'aliyetlerning roli intayin chong bolidiken, bu xildiki qarshiliq körsütüsh herketliri toxtatmay élip bérilidiken. .

Xewerni teyyarlighuchi: Wushourajim Abulimit