Qirqizistan Bilen Öbekistan Birlikte Herbiy Küch Teshkillimekchi

2006.07.25 RFA

Qirqizistan prézidénti Qurmanbék Baqiyif we Öbekistan prézdénti islam kermof, xelqara térrorchiliq we diniy esebiylikke qarshi turush üchün birleshme herbiy küch qurush toghrisida kélishti.

Qirqizistan prézidént mehkimisining tor bétide élan qilinghan bir bayanatta, Qirqizistan we Öbekistan rehberliri 22‏- iyul küni moskwada ötküzülgen musteqil döletler hemdostluqi teshkilatining yéghini jeryanida uchriship, birleshme küch qurush heqqide qarar alghan.

Qirqizistan bixeterlik qisimliri ötken hepte Öbekistan hökümiti teripidin 2005‏- yili enjan shehiride yüz bergen weqelerni teshkilligen dep eyiblengen besh Özbek puqrasini Qirqizistanning osh shehiride qolghan aldi. Xewerlerge qarighanda, ularni tutush jeryanida chiqqan toqunushlarda azdégende 6 kishi ölgen.

Qirqizistan dairiliri seyshenbe küni osh shehiride, Öbekistan islamiy herikiti ezasi dep eyiblengen Békmurat kerimof isilik yene bir Özbek puqrasini qolghan alghanliqini bildürdi.

Qirqizistan prézidénti Qurmanbék Baqiyifning élan qilghan bayanatida, Öbekistan prézidénti kerimofning, xelqara térrorchiliqqa we diniy esebiylikke qarshi turushta, Baqiyifni pütün küchi bilen qollap-Quwetleydighanliqini bildürgenliki, alahide eskertilgen. (Qanat)